Astanada avtokólikterdi alyp-satýmen ainalysqan 25 jastaǵy avtosalon iesi men onyń qyzmetkeri iri alaiaqtyq jasady degen kúdikke ilindi. Bul týraly qalalyq politsiia departamenti málimdedi, dep habarlaidy Dalanews.kz.
Tergeý málimetinshe, bastapqyda salon zańdy túrde jumys istep, paidalanylǵan kólikterdi komissiialyq negizde satyp kelgen. Alaida ýaqyt óte kele kúdiktiler satylǵan avtokólikterden túsken qarajatty ielerine qaitarmai, óz paidasyna jymqyrǵan.
Sonymen qatar keibir satyp alýshylar da zardap shekken. Olar kólik úshin aqsha tólegenimen, avtokólikter ózderine berilmegen. Politseilerdiń aitýynsha, kúdiktiler bul kólikterdi ózderi paidalanyp, keiin jalǵa berip otyrǵan.
Qazirgi ýaqytta eki kúdikti qamaýǵa alyndy. Politsiia sotqa deiingi tergep-tekserýdi jalǵastyryp, olardyń osyǵan uqsas basqa qylmystarǵa qatysy bar-joǵyn anyqtap jatyr. Keltirilgen shyǵyn kólemi ázirge jariialanǵan joq.
