Qazaqstan astanasynda Joǵarǵy Sot Tóraǵasy Aslambek Merǵaliev pen QR Prezidentiniń quqyqtyq máseleler jónindegi kómekshisi Erjan Jienbaevtyń qatysýymen kassatsiialyq sottyń saltanatty ashylý rásimi ótti.
Is-sharaǵa sondai-aq Joǵarǵy Sottyń sot alqalarynyń tóraǵalary Nurserik Sháripov, Nazgúl Rahmetýllina jáne Aslan Túkiev, sondai-aq Sot ákimshiliginiń basshysy Nail Ahmetzakirov qatysty.
Saltanatty rásimge qatysýshylarǵa quttyqtaý sózinde A.Merǵaliev Memleket basshysy Sýdialardyń IX sezinde sot tóreligine qoljetimdilikti keńeitýge, investitsiialar men biznesti júrgizýge qolaily jaǵdai jasaýǵa, sondai-aq ádilettilik jáne zań ústemdigi qaǵidattaryn júzege asyrýǵa baǵyttalǵan sot reformasynyń mańyzdylyǵyn erekshe atap ótkenine toqtaldy.
Bul reformanyń negizgi elementi kassatsiialyq sottardy engizý boldy.
Joǵarǵy Sot Tóraǵasynyń aitýynsha, kassatsiialyq sotynyń ashylýy sot júiesi damýynyń jańa kezeńin bildiredi jáne memlekettiń sot tóreliginiń joǵary standarttaryn qamtamasyz etýge umtylysyn aiǵaqtaidy.
Memleket basshysynyń Jarlyǵymen jańadan taǵaiyndalǵan kassatsiialyq sottar tóraǵalar: azamattyq ister boiynsha – Asqar Smaiylov, qylmystyq ister boiynsha – Aqan Jumaǵulov, ákimshilik ister boiynsha – Berik Nájimidenov
sot korpýsyna tanystyryldy.
Joǵarǵy Sot Tóraǵasy kassatsiialyq sottar elimizdegi «Zań men tártip» irgeli qaǵidatyn bekite otyryp, zań ústemdigin qamtamasyz etýdiń tiimdi býynyna ainalatynyna senim bildirdi.
Resmi sharadan keiin qatysýshylar azamattyq jáne qylmystyq ister jónindegi kassatsiialyq sottar ǵimarattarynyń tusaýkeserimen tanysty, sondai-aq ákimshilik ister jónindegi kassatsiialyq sottyń keńseleri: front-ofisti, sot otyrysy zaldaryn, sýdialar, prokýror, mediator, advokat jáne oqý ortalyǵyn qarap shyqty.
Odan keiin A.Merǵaliev pen E.Jienbaev kassatsiialyq satylardyń sýdialar quramymen jumys keńesin ótkizdi, onyń barysynda basymdyqtar aiqyndalyp, naqty mindetter belgilendi.
Sol kúni Sot ákimshiliginiń basshysy N.Ahmetzakirov kassatsiialyq sottar departamentiniń ujymyna onyń jańa basshysy – buryn Sot ákimshiliginiń Almaty qalasy boiynsha departament basshysy bolǵan Erjan Qojahmetovti tanystyrdy
