Búgin, iaǵni 4 jeltoqsan kúni bastalyp, 12 jeltoqsanǵa deiin sozylatyn festival barysynda jastar 10 nominatsiia boiynsha synǵa túsedi.
Festival Astana qalasynyń Jastar saiasaty máseleleri basqarmasynyń qoldaýymen ótedi.
«Jastar Jalyny-2023» festivali jastardyń shyǵarmashylyq áleýetin ashý, daryndy jastardy anyqtaý, daryndy balalar men ujymdardyń shyǵarmashylyq damýyna qoldaý kórsetý jáne jaǵdai jasaý, rýhani jáne mádeni áleýetin damytý, stýdentterge estetikalyq jáne etikalyq tárbie berý júiesin jetildirý, belsendi azamattyq, áleýmettik jaýapkershilik, patriottyq sezim, adamgershilik qundylyqtar men kóshbasshylyq qasietterdi arttyrý maqsatynda ótkiziledi.
Festivaldiń konkýrstyq baǵdarlamasyna Astana qalasynyń 15 ýniversiteti qatysady.
«Jastar Jalyny-2023» festivalinde usynylǵan nominatsiialar:
Estrada, Ulttyq bi, Zamanaýi bi, Mýzykalyq aspaptar, Shahmat, Poeziia, Media, Teatr, Sýret, Qazaq Quiz,
«Jastar Jalyny-2023» festivaliniń qazylar alqasy elimizdiń eń tájiribeli mamandarynan jasaqtaldy.
Baǵdarlamany mádeniet jáne óner qairatkerleri, elimizdiń eńbek sińirgen ártisteri, kásibi horeograftar men videograftar baǵalady.
