بۇگىن، ياعني 4 جەلتوقسان كۇنى باستالىپ، 12 جەلتوقسانعا دەيىن سوزىلاتىن فەستيۆال بارىسىندا جاستار 10 نوميناسيا بويىنشا سىنعا تۇسەدى.
فەستيۆال استانا قالاسىنىڭ جاستار ساياساتى ماسەلەلەرى باسقارماسىنىڭ قولداۋىمەن وتەدى.
«Jastar Jalyny-2023» فەستيۆالى جاستاردىڭ شىعارماشىلىق الەۋەتىن اشۋ، دارىندى جاستاردى انىقتاۋ، دارىندى بالالار مەن ۇجىمداردىڭ شىعارماشىلىق دامۋىنا قولداۋ كورسەتۋ جانە جاعداي جاساۋ، رۋحاني جانە مادەني الەۋەتىن دامىتۋ، ستۋدەنتتەرگە ەستەتيكالىق جانە ەتيكالىق تاربيە بەرۋ جۇيەسىن جەتىلدىرۋ، بەلسەندى ازاماتتىق، الەۋمەتتىك جاۋاپكەرشىلىك، پاتريوتتىق سەزىم، ادامگەرشىلىك قۇندىلىقتار مەن كوشباسشىلىق قاسيەتتەردى ارتتىرۋ ماقساتىندا وتكىزىلەدى.
فەستيۆالدىڭ كونكۋرستىق باعدارلاماسىنا استانا قالاسىنىڭ 15 ۋنيۆەرسيتەتى قاتىسادى.
«Jastar Jalyny-2023» فەستيۆالىندە ۇسىنىلعان نوميناسيالار:
ەسترادا، ۇلتتىق بي، زاماناۋي بي، مۋزىكالىق اسپاپتار، شاحمات، پوەزيا، مەديا، تەاتر، سۋرەت، Qazaq Quiz،
«Jastar Jalyny-2023» فەستيۆالىنىڭ قازىلار القاسى ەلىمىزدىڭ ەڭ تاجىريبەلى ماماندارىنان جاساقتالدى.
باعدارلامانى مادەنيەت جانە ونەر قايراتكەرلەرى، ەلىمىزدىڭ ەڭبەك سىڭىرگەن ارتىستەرى، كاسىبي حورەوگرافتار مەن ۆيدەوگرافتار باعالادى.
