Memleket basshysy Qasym-Jomart Toqaev 2022 jylǵy 1 qyrkúiektegi Qazaqstan halqyna Joldaýynda shaǵyn jáne orta biznesti nesielendirýge qatysty birqatar tapsyrma bergen bolatyn. Onyń ishinde jyldyq 2,5 paiyzben jeńildetilgen shaǵyn nesieleý tetiginiń arqasynda jastarǵa startap ashý múmkindigi qoljetimdi.
Elorda jastary Kásipkerlikti damytýdyń 2021-2025 jyldarǵa arnalǵan ulttyq jobasy aiasynda jeńildetilgen nesie berilýde.
– Shaǵyn nesieler agronesielik korporatsiia arqyly júzege asýda. Shaǵyn nesieni 21 men 35 jas aralyǵyndaǵy jas kásipkerler ala alady. Nesie shaǵyn kásipkerlikpen ainalysqysy kelgen jastarǵa konkýrstyq negizde beriledi. Jeńildetilgen nesieniń sharttary jastar úshin qolaily. Aitalyq, nesieniń nominaldy jyldyq syiaqy mólsherlemesi 2,5%-dy qurasa, nesieniń maksimaldy somasy – 5 mln teńge (kepildikpen). Merzimi – 5 jyl. Mal sharýashylyǵy úshin – 7 jylǵa deiin beriledi, – dedi Erlan Júsipov.
Ótinish bergen kezde jeke kásipker retinde tirkelý merzimi bes jyldan aspaýy kerek. Sonymen qatar, mikrokredit berý merziminiń úshten bir bóligi úshin negizgi boryshty óteý jáne syiaqy tóleý boiynsha jeńildik kezeńi qarastyrylǵan.
Mindetti shart – kepilzattyń bolýy. Kepil retinde jyljymaly da, jyljymaityn múlik te qabyldanady. Olar bolmaǵan jaǵdaida kepil berýshini tartý kózdeledi – ata-analary, týystary jáne basqa da senimdi adamdar bolýy múmkin.
Jastarǵa shaǵyn nesie berý týraly sheshimdi biznes jobalardy irikteý jónindegi konkýrstyq komissiia qabyldaidy. Onyń quramyna jergilikti atqarýshy organdardyń, «Atameken» kásipkerler palatasynyń, qoǵamdyq birlestikterdiń, túrli biznes salalarynyń, sondai-aq oqý oryndary men BAQ ókilderi kiredi.
Ótinimderdi qabyldaý osy jyldyń 6 naýryzynda Agrarlyq-nesielik korporatsiiasynyń Astana qalasy boiynsha filialynda myna mekenjai boiynsha qabyldanady: Turan dańǵyly, 19/1, «Edem» biznes ortalyǵy. Anyqtama úshin telefon +7 701 006 16 38.
Mikrokredit alý úshin ótinish berýshige qajetti qujattar tizimi:
- jeke kýálik,
- biznes jospar,
- shotyńyz bar ekenin rastaityn bank anyqtamasy.
- nesieler bolǵan jaǵdaida nesielik beresheginiń, onyń ishinde merzimi ótken beresheginiń bar nemese joq ekendigi týraly anyqtamalar talap etiledi.
- jumysyńyz bolsa, ótinish berýshiniń jalaqysy men basqa da tabysyn rastaityn qujatty kórsetińiz.
- sondai-aq kepilge berilgen múlikti baǵalaý týraly esep jáne basqa da qujattar bolýy kerek.
– Biyl 562 mikrokredittik qyzmet alýshyǵa respýblikalyq biýdjetten 2,8 mlrd teńge qarastyrylǵan, – dep qosty Erlan Júsipov.
Suraqtarǵa jaýap bere otyryp, ol kepilge qoiylǵan múliktiń Astana qalasynyń aýmaǵynda bolýy mindetti emes ekenin jáne ony Qazaqstan Respýblikasynyń búkil aýmaǵynda tirkeýge bolatynyn atap ótti.
Eske sala keteiik, 2023 jyldyń 1 qańtarynan bastap Memleket basshysynyń tapsyrmasyn oryndaý maqsatynda Kásipkerlikti damytýdyń 2021-2025 jyldarǵa arnalǵan ulttyq jobasy aiasynda jas qazaqstandyqtarǵa jeńildetilgen shaǵyn nesie berýdiń jańa tetigi engizilgen bolatyn.
Qarjy resýrstary óz kásibin ashqysy keletin nemese kásipkerlikpen ainalysatyn, onyń ishinde taýar óndirý nemese satý, jumystardy oryndaý jáne qyzmetter kórsetý, óndiristi júzege asyrýǵa niet bildirgen 21 jastan 35 jasqa deiingi azamattarǵa konkýrstyq negizde usynylady.
https://dalanews.kz/suranys/88289-alemde-ayes-salu-qaytadan-qarqyn-aldy
