«Astana jastary» jastar resýrstyq ortalyǵynyń eriktileri 15 naýryz kúni qaiyrymdylyq aktsiiasyn ótkizdi, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Qazaqstanda Naýryznamnyń onkúndigi ótip jatyr. Búgin qaiyrymdylyqqa, janashyrlyqqa úndeitin Meiirimdilik kúni atap ótiledi. Osyǵan bailanysty eriktiler kommýnaldyq qyzmetkerlerge baýyrsaq, shokolad jáne ystyq shai úlestirdi.
– Búgingi aktsiiamen biz adamdardy meiirimdilikke, janashyrlyqqa jáne jaqsy qarym-qatynasqa úndegimiz keledi, – dep bólisti erikti Arýjan Dáýletiiarova.
«Astana jastary» eriktiler qozǵalysyn damytý bóliminiń basshysy Elvira Esmuhanova mundai aktsiialardy ótkizýdiń jáne qaiyrymdylyq kúnin atap ótýdiń mańyzdylyǵyna toqtalyp ótti.
– «Astana jastary» eriktilerimen birge tipti az múmkindikpen de bir-birimizge kómektesýge bolatynyn kórsetkimiz keldi. Oqýshylar kommýnaldyq qyzmetkerlerge arnap aktsiia ótkizý bastamasyn kóterdi. Olar aýa raiynyń qolaisyzdyǵyna qaramastan qalada tártip pen tazalyqty saqtaidy, – dedi Elvira Esmuhanova.
Óz kezeginde tazalyq mamandary jastarǵa alǵys aityp, Naýryz merekesimen quttyqtady.
Aita keteiik, «Astana jastary» jastar resýrstyq ortalyǵynyń qatarynda 5000-nan astam erikti bar.
Eriktiler ystyq shai men baýyrsaqtardy taratýmen qatar, qar kúreýge kómek kórsetedi, halyqtyń áleýmettik osal toptarynan shyqqan otbasylarǵa azyq-túlik sebetterin tasymaldaidy. Elordada igi ister marafony jalǵasyp jatyr. Aktsiianyń basty maqsaty – barynsha kómek kórsetý.
Esterińizge sala keteiik, «Naýryz meiramyn» merekeleý aiasynda elordada 200-ge jýyq is-shara ótedi. Qala turǵyndary kontsertterge, merekelik baǵdarlamalarǵa, kórmelerge, qoiylymdarǵa, ulttyq sport túrleri boiynsha sporttyq jarystarǵa, halyqtyq merekelerge jáne t.b. qatysa alady.
