Elordada esirtkini zańsyz saqtady degen kúdikpen eki adam ustaldy,dep habarlaidy Dalanews.kz.
Politsiia málimetinshe, 40 jastaǵy qala turǵyny aialdamalardyń birinde qolǵa túsken. Jeke tintý barysynda onyń sómkesinen skotchpen oralǵan, ózine tán iisi bar sur-jasyl tústi zat salynǵan iri orama tabylǵan. Saraptamaǵa sáikes, bul – jalpy salmaǵy shamamen 1 kelini quraityn gashish.
Keiin onyń turǵylyqty jerinde júrgizilgen tintý kezinde as úidegi peshtiń ishinen dál osyndai zat salynǵan qara paket anyqtalyp, tárkilengen. Atalǵan derek boiynsha qylmystyq is qozǵaldy.
Sonymen qatar jedel-izdestirý is-sharalary barysynda 40 jastaǵy er adam ustaldy. Jeke tintý kezinde odan sintetikalyq esirtki – mefedron salynǵan birneshe orama tabylǵan. Taǵy bir oramany kúdikti shulyǵyna jasyrýǵa tyrysqan. Bul fakti boiynsha da sotqa deiingi tergeý bastaldy.
Qazaqstan Respýblikasy Ishki ister ministrligi esirtki zattaryn saqtaý, tasymaldaý jáne ótkizý zań boiynsha qatań qylmystyq jaýapkershilikke ákeletinin eskertti.
