Ortalyq kommýnikatsiialar qyzmeti alańynda «Balalardyń qaýipsizdigin qamtamasyz etý týraly» taqyrybynda baspasóz konferentsiiasy ótti, dep habarlaidy Dalanews.kz.
Brifingke Qazaqstan Respýblikasy Ishki ister ministrligi Ákimshilik politsiia komiteti tóraǵasynyń orynbasary Ǵalym Sarǵulov qatysty.
Dala News tilshisiniń balalarǵa qatysty zorlyq-zombylyq boiynsha álemdik reitingtegi Qazaqstannyń orny týraly saýalyna jaýap bergen spiker bul máseleni bir ǵana kórsetkishpen baǵalaý durys emes ekenin aitty.
Onyń sózinshe, halyqaralyq uiymdardyń derekterine sáikes, álem boiynsha árbir úshinshi bala ómirinde keminde bir ret zorlyq-zombylyqtyń qandai da bir túrine tap bolady. Alaida elder arasyndaǵy statistikany salystyrýda ádistemelik aiyrmashylyqtar bar.
«Qazaqstandy naqty bir álemdik reitingtegi orynmen baǵalaý qisyndy emes. Sebebi ár elde quqyqtyq anyqtamalar men esep júrgizý tásilderi ártúrli. Sońǵy jyldary bizde tirkeý júiesi tsifrlandyrylyp, ashyqtyq artty. Bul kei jaǵdaida statistikanyń ósýi retinde kórinýi múmkin, biraq shyn máninde jasyryn quqyq buzýshylyqtardy anyqtaý deńgeii artqanyn bildiredi», – dedi Ǵalym Sarǵulov.
Ol IIM tarapynan mektepter men balabaqshalar mańyndaǵy qaýipsizdik sharalary kúsheitilip, iývenaldy politsiia jumysy jandandyrylǵanyn, sondai-aq turmystyq zorlyq-zombylyqqa qarsy zańnamalyq tetikter qatańdatylǵanyn atap ótti.
Sondai-aq Dala News tilshisi balalar quqyǵyn qorǵaityn ombýdsmenniń jumysyna qatysty pikirin surady.
Bul suraqqa jaýap bergen spiker Qazaqstan Respýblikasyndaǵy Bala quqyqtary jónindegi ýákil institýty balalardyń quqyqtaryn qorǵaýda mańyzdy institýt ekenin aitty.
«Ishki ister organdary ýákil apparatymen turaqty túrde ózara is-qimyl jasaidy. Balalarǵa qarsy qylmystar úshin jaýapkershilikti kúsheitý jáne aldyn alý tetikterin jetildirý boiynsha birqatar bastamalar birlesip qaralýda», – dedi ol.
Sonymen qatar, onyń aitýynsha, kez kelgen memlekettik jáne qoǵamdyq institýt siiaqty bul baǵyttaǵy jumys ta turaqty túrde jetildirýdi qajet etedi. Qoǵam tarapynan aitylatyn syn men usynystar qalypty úderis retinde qabyldanady.
Brifing qorytyndysynda balalardyń qaýipsizdigi tek bir organnyń emes, búkil qoǵamnyń ortaq jaýapkershiligi ekeni atap ótildi.
