Master-klass álemge áıgili balalar ýrology Imran Mýshtaktyń (Greıt-Ormond-strıt (GOSH), klınıkasynyń balalar ýrologıasy boıynsha keńesshisi, Londondaǵy balalar densaýlyǵy ınstıtýtynyń aǵa oqytýshysy) qatysýymen ótti. Ol nesep-jynys júıesiniń óte kúrdeli týa bitken aqaýlary bar balalarǵa operasıa jasaýmen aty shyqqan maman.
Imran Mýshtaktyń nefrektomıa, ishinara nefrektomıa, adrenalektomıa, pıeloplastıka, ýretroplastıka, qýyq plasıkasy jáne endoýrologıa boıynsha tájirıbesi mol. Dáriger gıpospadıa, jynystyq damýdyń buzylýy, qýyq ekstrofıasy jáne plasıkalyq ýrologıa boıynsha mamandanǵan.
№2 kópbeıindi qalalyq balalar aýrýhanasynyń ýronefrologıalyq bólimshesiniń meńgerýshisi Aıgúl Botabaeva Imran Mýshtaktyń basshylyǵymen rekonstrýktıvti-plastıkalyq operasıalar júrgizilgenin de aıtty.
Master-klasqa ýrologtan praktıkalyq tájirıbe alýǵa Almaty, Taldyqorǵan, Semeı, Astana qalalarynan dárigerler arnaıy keldi.
Bul – Imran Mýshtaktyń №2 balalar aýrýhanasyna besinshi márte kelýi. Bul joly basty uıymdastyrýshylar «Dom» qoǵamdyq qory boldy.
Onyń pikirinshe, sheteldik dárigerlermen master-klastar ǵana emes, dárigerlerdiń ózge elderge kelip, tájirıbe almasýyn uıymdastyrý kerek. Olar Eýropanyń medısına deńgeıin kórip, óz tájirıbelerin ákeledi, áriptesterin oqytatyn bolady.
Aıta keteıik, Qoǵamdyq densaýlyq saqtaý basqarmasymen byltyr 69 dáriger shetelde biliktiligin arttyrsa, bıyl 59 dárigerdi oqytý josparlanyp otyr.
