Astanada 32 jastaǵy áiel qyzǵanysh saldarynan jigitine aýyr dene jaraqatyn salǵan. Zardap shekken 34 jastaǵy er adam shuǵyl túrde meditsinalyq mekemege jetkizilgen, dep habarlaidy Dalanews.kz.
Bul oqiǵa týraly ýrolog dáriger Jalǵas Igembai áleýmettik jelidegi paraqshasynda jazdy. Onyń aitýynsha, er adam aýrýhanaǵa es-tússiz kúide, jaǵdaiy óte aýyr hálde túsken. Áieldiń sózinshe, jedel járdem qyzmetin ózi shaqyrǵan.
Derekke súiensek, áiel jigittiń opasyzdyǵy týraly bilgen soń oǵan uiyqtatatyn dári bergen. Er adam es-tússiz jatqan kezde áiel pyshaqpen aýyr jaraqat salǵan.
Dárigerdiń málimetinshe, naýqas meditsinalyq mekemege kesh jetkizilgendikten, zaqymdalǵan aǵzany qalpyna keltirý múmkin bolmaǵan. Degenmen dárigerler onyń ómirin saqtap qalǵan.
"Bul oidan shyǵarylǵan oqiǵa emes, shynaiy jaǵdai. Oqiǵa biraz ýaqyt buryn bolǵan", – dep jazdy Jalǵas Igembai.
