استانادا 32 جاستاعى ايەل قىزعانىش سالدارىنان جىگىتىنە اۋىر دەنە جاراقاتىن سالعان. زارداپ شەككەن 34 جاستاعى ەر ادام شۇعىل تۇردە مەديسينالىق مەكەمەگە جەتكىزىلگەن، دەپ حابارلايدى Dalanews.kz.
بۇل وقيعا تۋرالى ۋرولوگ دارىگەر جالعاس يگەمباي الەۋمەتتىك جەلىدەگى پاراقشاسىندا جازدى. ونىڭ ايتۋىنشا، ەر ادام اۋرۋحاناعا ەس-تۇسسىز كۇيدە، جاعدايى وتە اۋىر حالدە تۇسكەن. ايەلدىڭ سوزىنشە، جەدەل جاردەم قىزمەتىن ءوزى شاقىرعان.
دەرەككە سۇيەنسەك، ايەل جىگىتتىڭ وپاسىزدىعى تۋرالى بىلگەن سوڭ وعان ۇيىقتاتاتىن ءدارى بەرگەن. ەر ادام ەس-تۇسسىز جاتقان كەزدە ايەل پىشاقپەن اۋىر جاراقات سالعان.
دارىگەردىڭ مالىمەتىنشە، ناۋقاس مەديسينالىق مەكەمەگە كەش جەتكىزىلگەندىكتەن، زاقىمدالعان اعزانى قالپىنا كەلتىرۋ مۇمكىن بولماعان. دەگەنمەن دارىگەرلەر ونىڭ ءومىرىن ساقتاپ قالعان.
"بۇل ويدان شىعارىلعان وقيعا ەمەس، شىنايى جاعداي. وقيعا ءبىراز ۋاقىت بۇرىن بولعان"، – دەپ جازدى جالعاس يگەمباي.
