Astanada aqyly avtoturaq júiesine qatysty aýqymdy ózgerister engizilmek. Bul týraly Astana ákimi Jeńis Qasymbek Májilis depýtatynyń resmi saýalyna bergen jaýabynda habarlady, dep jazady Dalanews.kz.
Jańa júieniń ereksheligi
Qala ákiminiń túsindirýinshe, endi elordada shlagbaýmy bar jańa úlgidegi aýdandyq avtoturaqtar paida bolady. Onda nómirdi avtomatty tanityn beinebaqylaý kameralary ornatylady. Bul júie kóliktiń kirý jáne shyǵý ýaqytyn avtomatty túrde tirkep otyrady.
Jańa júieniń basty aiyrmashylyǵy - minýttyq tólem. Iaǵni júrgizýshiler tek naqty turǵan ýaqyty úshin ǵana tóleidi. Osylaisha, paidalanylmaǵan ýaqyt úshin aqshany qaitarý qajettiligi joiylady.
Sonymen qatar, ashyq kommýnaldyq avtoturaqtarda da zamanaýi kameralar men tólem júiesin engizý josparlanyp otyr, biraq ol tek infraqurylymy múmkindik beretin jerlerde iske asyrylady.
Birizdi erejeler
Ákimdik dereginshe, qazirgi tańda Astanadaǵy avtoturaqtar ekige bólinedi:
- Jeke avtoturaqtar - kásipkerler men kompaniialarǵa tiesili, olar tarifti ózderi belgileidi jáne óz aýmaǵyn ózderi basqarady.
- Kommýnaldyq avtoturaqtar - qala menshiginde jáne ýákiletti organdardyń baqylaýynda.
Jańa júie eń aldymen osy kommýnaldyq turaqtarǵa engiziledi. Ákimdik atap ótkendei, bul model qarjylyq ashyqtyqty qamtamasyz etýge baǵyttalǵan. Barlyq tólem men aiyppuldan túsetin qarajattyń qozǵalysy baqylaýda bolady.
Aldyn ala tarifter
Jańa júie boiynsha kelesi tarifter usynylǵan:
- 300 teńge/saǵ - shlagbaýmy bar aýdandyq avtoturaqtarda;
- 100 teńge/saǵ - ashyq kommýnaldyq avtoturaqtarda.
Jeke turaqtar úshin tarif burynǵydai erkin qalady. Qazir olardyń baǵasy 300 teńgeden 5000 teńgege deiin ózgeredi - oryn men jaǵdaiǵa bailanysty.
Mobildi qosymsha jaily
Qoldanystaǵy avtoturaqtar úshin tólem júrgiziletin mobildi qosymsha «Parkovochnoe prostranstvo Astany» JShS-ine tiesili. Bul - memlekettik-jekemenshik áriptestik aiasyndaǵy seriktes kompaniia.
Qazir ákimdik atalǵan seriktestikpen shartty buzý rásimin júrgizip jatyr. Budan keiin avtoturaqtardy basqarý tolyqtai qalanyń menshigine ótedi.
Kelisim aiaqtalǵan soń, kommýnaldyq avtoturaqtardy paidalaný erejelerine ózgerister engizilip, minýttyq tólem júiesi men jańartylǵan esep júiesi resmi túrde bekitiledi.
