Astanada er adamdy kópirden sekiremin dep qorqytyp, video túsirgeni úshin 15 táýlikke ákimshilik qamaýǵa aldy, dep habarlaidy Dalanews.kz.
Is materialdaryna sáikes, 10 maýsym kúni er adam «Qaraótkel» kópiriniń arkasyna shyǵyp, óz-ózine qol jumsaý nietin bildirgen.
Ol oqiǵa ornynan túsirilgen videony jeke sot oryndaýshysy men burynǵy jubaiyna joldaǵan.
Sot otyrysynda ol óz kinásin tolyq moiyndady. Aitýynsha, ajyrasqannan keiin aliment boiynsha bereshek paida bolǵan, qazirgi tańda ol 1 million teńgege jetken.
Qarjylyq qiyndyqtar men emotsiialyq qysym osyndai áreketke itermelegen.
Sot er adamdy usaq buzaqylyq jasady dep tanyp, 15 táýlikke ákimshilik qamaýǵa alý týraly sheshim shyǵardy.
