Elordada kámeletke tolmaǵandardy paidalaný arqyly qoǵamdyq oryndarda zańsyz aqsha jinaý derekteri anyqtaldy, dep habarlaidy Dalanews.kz.
Qalalyq prokýratýranyń habarlaýynsha, quqyq qorǵaý organdary 2008–2010 jyldary týǵan segiz jasóspirimdi anyqtaǵan. Olar úsh qaiyrymdylyq qorynyń «eriktisi» retinde tartylǵan.
Atalǵan qorlar «qaiyrymdylyq» degen jeleýmen jalpy somasy shamamen 340 mln teńge qarajat jinaǵan.
Bul derek boiynsha politsiia QR QK 190-baby 2-bóliginiń 1-tarmaǵy («Alaiaqtyq») boiynsha qylmystyq is qozǵady. Tergeý aiasynda qorlardyń laýazymdy tulǵalarynyń kámeletke tolmaǵandardy zańsyz qyzmetke tartýyna quqyqtyq baǵa beriledi.
"Qaiyrymdylyq qorlaryn jáne ata-analardy balalardyń eńbegine, sonyń ishinde eriktilik pen ózge de qyzmet túrlerine muqiiat qaraýǵa, balalardy zańǵa qaishy áreketterge aralastyrmaýǵa shaqyramyz", - delingen habarlamada.
Eske salsaq, buǵan deiin Astanada «Biz birgemiz Qazaqstan» qaiyrymdylyq qorynyń basshysy Perizat Qairat pen onyń anasy Gaini Alashbaevaǵa qatysty qylmystyq is boiynsha úkim shyqqan bolatyn. Aiyptalýshylar múgedek balalarǵa kómek kórsetý, Taiaý Shyǵysta zardap shekkender men Qazaqstandaǵy sý tasqyny qurbandaryna qarajat jinaý jeleýimen alaiaqtyq jasady dep tanylǵan.
Jinalǵan 2,08 mlrd teńgeniń tek 920 mln teńgesi ǵana qaiyrymdylyqqa jumsalǵan. Qalǵan qarjy aiyptalýshylardyń jeke qajettilikterine paidalanylǵan.
