Is-shara barysynda Memleket basshysy Qasym-Jomart Toqaevtyń Joldaýynda kórsetilgen máseleler talqylandy.
Baǵdarlamalyq qujat eldi odan ári damytýǵa, onyń ishinde áleýmettik-ekonomikalyq salalardy nyǵaitýǵa, halyqtyń ál-aýqatyn arttyrýǵa jáne saiasi transformatsiiany iske asyrýǵa baǵyttalǵan.
Is-sharaǵa elorda ákiminiń orynbasary Eset Baiken, Baiqońyr aýdanynyń ákimi Erlan Jaýylybaev, elimizdiń eńbek sińirgen qairatkerleri, áleýmettik sala qyzmetkerleri, elordalyq máslihat depýtattary, sondai-aq bilim berý salasynyń qurmetti qyzmetkerleri, jastar qatysty.
– Memleket basshysy óz Joldaýynda halyqty tolǵandyratyn ózekti máselelerdi tolyqtai qamtydy. Myqty ekonomika, naqty sektordy damytý, strategiialyq investitsiialar, memlekettik basqarýdy qaita jańǵyrtý, zań men tártip qazirgi kezeńde qazaqstandyq qoǵamnyń ómirin reformalaýdyń mańyzdy baǵyttary bolyp sanalady. Túrli salalarda qordalanǵan problemalardy sheshý tásilin ózgertý arqyly Qazaqstannyń bolashaǵy aiqyndalady, – dep atap ótti Baiqońyr aýdanynyń ákimi Erlan Jaýylybaev.
Joldaýda kórsetilgen máselelerdiń mańyzdylyǵy týraly ziialy qaýym ókilderi, elordanyń belsendi qairatkerleri sóz sóiledi.
– Elimiz Táýelsizdiktiń 30 jyldyǵyn sátti atap ótti. Elý jylda el jańa. Joldaýda Memleket basshysy Qazaqstannyń damý jáne órkendeý baǵyttary týraly aityp berdi. Bul qoǵamda qyzý pikirtalas týdyrdy, – dep atap ótti aqyn, Jazýshylar odaǵynyń hatshysy Dáýletkerei Kápuly.
– Prezidenttiń áleýmettik jáne qoǵamdyq ál-aýqatqa qatysty aspektilerge baǵyt alǵany tańqaldyrady. Bizdiń qoǵamǵa bilim berýden bastap, tipti inkliýziiaǵa deiingi kóptegen problemalar bar. Sondyqtan áleýmettik kásipkerliktiń ókili retinde, jalpy Memleket basshysy aitqan barlyq aspektilerdi qoldaimyn, – dep atap ótti Áleýmettik innovatorlar qaýymdastyǵynyń tóraǵasy Emin Askerov.
Kezdesýge qatysýshylar spikerlerdiń baiandamalaryn talqylap, Joldaýda belgilengen mindetterdi oryndaý úshin jumystyń negizgi baǵyttaryn atap ótti.
