Astanada 82 jastaǵy zeınetker 7 jasar shóberesin zorlaǵan, dep habarlaıdy Dalanews.kz.

Ol 20 jylǵa sottaldy. Bul týraly NeMolchıKZ qorynyń jetekshisi Dına Tańsári Facebook paraqshasynda málimdedi. Málimetke súıensek, qaıǵyly oqıǵa balanyń týǵan kúnin atap ótý kezinde, týystar túgel jınalǵan úıde bolǵan. 

Tergeý barysynda oqıǵanyń mán-jaıy kýágerlerdiń aıǵaqtary men sot-medısınalyq saraptama qorytyndylarymen tolyq dáleldengen. Sot aıyptalýshyny QR Qylmystyq kodeksiniń 121-babynyń 4-bóligi ("Seksýaldyq sıpattaǵy zorlyq-zombylyq áreketteri") boıynsha kináli dep tanyp, 20 jylǵa bas bostandyǵynan aıyrý jazasyn taǵaıyndady.

Dına Tańsáriniń aıtýynsha, balanyń anasy qorǵa 2025 jyly sáýirde, qyzyn saraptamaǵa aparǵan sátte habarlasqan.

Sonymen qatar, otbasy ishinde aıyptalýshynyń jasy úlken ekenin alǵa tartyp, isti sotqa jetkizbeýdi usynǵandar bolǵany da aıtyldy.