MEGA Silk Way saýda jáne oiyn-saýyq ortalyǵynda uly oishyl Abai Qunanbaiulynyń 180 jyldyǵyna arnalǵan erekshe art-installiatsiia usynyldy. Shyǵarmashylyq joba aiasynda aqynnyń beinesi 3000 rýbik tekshesimen qurastyryldy,- dep habarlaidy Dalanews.kz
Biiktigi 3 metr, eni 2 metr bolatyn portretti spidkýber jastar nebári 5 saǵatta jinap shyqty. Jobanyń bastamashysy Álihan Ertursynnyń aitýynsha, Rýbik tekshesi logika men shyǵarmashylyqty biriktiretin óner týyndysyna ainaldy.
“Osy arqyly ulttyq bolmysty zamanaýi tásilmen jetkizýdi maqsat ettik”, – dedi ol.
«Abai álemi» atty mádeni baǵdarlama eki kún boiy kórermendi poeziialyq keshtermen, shyǵarmashylyq qoiylymdarmen qýantty.
Myńdaǵan kelýshi jastardyń kreativtiligine joǵary baǵa berip, ulttyq muraǵa qurmetti aiqyn sezindi.
Uiymdastyrýshylardyń pikirinshe, bul joba – Abai murasyn jańasha tanytýǵa arnalǵan tyń qadam. Maqsat – jas býynnyń ulttyq sana men eldik qundylyqtardy tereń uǵynýyna yqpal etý.
