Elordada tártip saqshylary 23 jastaǵy turǵyndy úıinde mefedron saqtaǵan sátinde qolǵa túsirdi. Arnaıy operasıa esirtki qylmystaryna qarsy kúreske baǵyttalǵan 30 kúndik keshendi is-shara aıasynda, prokýratýranyń úılestirýimen júrgizildi, dep habarlaıdy Dalanews.kz.
Kúdikti kireberis aýmaǵynda jasyryn "qoımaǵa" esirtki qaldyrýǵa daıyndalyp jatqan jerinen ustaldy. Jeke tintý barysynda odan erekshe ıisi bar, mefedronǵa jatqyzylatyn 40 túıinshek tabyldy.
Al páterin tekserý kezinde polıseıler taǵy jarty keli mefedron, sondaı-aq shkaftan esirtkini bólip-oraýǵa arnalǵan elektrondy tarazy men basqa da quraldardy anyqtady. Tergeý málimetinshe, boıjetken esirtkini qabyldap, saqtap, keıin ınternet arqyly taratýshylarǵa jetkizip otyrǵan.
Qazirgi tańda kúdikti ýaqytsha ustaý ızolátoryna qamaýǵa alyndy. Polısıa ókilderi esirtki saqtaý, taratý jáne deldaldyq jasaý aýyr qylmys sanalyp, zań boıynsha qatań qylmystyq jaýapkershilik qarastyrylǵanyn eskertti.
Aılyq sheńberinde «Astana – esirtkisiz qala» uranymen reıdter, tekserýler jáne profılaktıkalyq jumystar jalǵasyp jatyr.
