Asa iri kólemde alaıaqtyq qylmysy boıynsha kúdikti qylmysker ustaldy,- dep habarlaıdy Dalanews.kz.
 
6 aqpanda Bas prokýratýranyń úılestirýimen Astana qalasynda asa iri kólemde alaıaqtyq qylmysy boıynsha kúdikti M.K.Súleımenov ustaldy.

30 qańtarda Qyzylorda qalasynda onyń taǵy bir sybaılasy R.Q.Qarjaýov anyqtalyp, ustaldy.

"Qylmystyq is materıaldaryna sáıkes, K.Súleımenov 2021-2022 jyldary adamdar tobymen azamattarǵa jalǵan avtokólik nesıesin rásimdegen. Olardyń alaıaqtyq áreketterinen 231 adamǵa 2,9 mlrd teńge zalal keltirilgen", - dep jazylǵan vedomstvo habarlmasynda.

Tergeý barysynda 2022 jylǵy mamyrda Súleımenov tergeýden boı tasalap, oǵan izdeý jarıalanǵan bolatyn.

Qazirgi ýaqytta Súleımenov Aqtaý qalasyna jetkizilip, ýaqytsha ustaý ızolátoryna qamaldy.

Oǵan taǵylǵan qylmysty jasaǵany úshin múlki tárkilenip, belgili bir laýazymdardy atqarý nemese belgili bir qyzmetpen aınalysý quqyǵynan ómir boıyna aıyra otyryp, on jylǵa deıingi merzimge bas bostandyǵynan aıyrý túrindegi jaza qarastyrylǵan.