Astanada birneshe uıym 15 qyrkúıekten bastap jańa jumys kestesi boıynsha jumys isteıtin bolady. Bul sheshim joldarda keptelisti azaıtý maqsatynda qabyldanyp otyr,- dep habarlaıdy Dalanews.kz
Ózgerister qala ortalyǵynda ornalasqan memlekettik jáne jartylaı memlekettik qurylymdarǵa qatysty bolady.
"Osyǵan sáıkes, 15 qyrkúıekten bastap qalalyq komýnaldyq qyzmetterdiń jumys kúni tańǵy 7:30-da bastalady, Astana ákimdiginiń qyzmeti – 7:30, keıbir memlekettik organdar men jartylaı memlekettik kompanıalar – 7:30-8:00 aralyǵynda bastaıdy. Jumys ýaqytynyń aıaqtalý saǵaty da sáıkesinshe ózgertiledi", - delingen ákimdik habarlamasynda.
Jeke sektor, bıznes, mektepter, balabaqshalar, aýrýhanalar, emhanalar, HQO jáne basqa áleýmettik nysandardyń jumys kestesi ózgermeıdi.
Aıta keteıik, keıbir mınıstrlikter men memlekettik organdardyń jumys kúni burynnan 8:00-de bastalady.
Bul sharalar negizgi magıstraldardaǵy tańǵy jáne keshki saǵattardaǵy kólik aǵynyn azaıtýǵa baǵyttalǵan.
Sonymen qatar, jol qozǵalysyn qıyndatatyn avtokólikterdiń turaq erejesin buzýy qatań baqylaýǵa alynady: quqyqbuzýshylardyń avtokólikteri aıyp turaǵyna evakýasıalanady.
Eske sala keteıik, Astanada qoǵamdyq kólikti damytý jumysy jalǵasýda: jańa jyldam jol korıdorlary men marshrýttar ashylýda, jańa avtobýstar shyǵarylady, sonymen qatar jol salý jáne jóndeý jumysy júrgizilip jatyr. Osy sharalardyń bári keshendi túrde joldardaǵy keptelisti tańǵy jáne keshki ýaqyttarda azaıtýǵa múmkindik beredi.
