Astanada qaiǵyly oqiǵa saldarynan 27 jastaǵy áiel men eki jasar bala kóz jumdy, dep habarlaidy dalanews.kz.
Qalalyq Politsiia departamentiniń málimetinshe, áiel turǵyn úidiń 15-qabatynan sekirip ketken. Qulaý kezinde ol eki jasar bala otyrǵan balalar arbasyna túsken.
Aýyr jaraqat alǵan bala oqiǵa ornynda kóz jumdy. Áiel de alǵan jaraqattarynan qaitys bolǵan.
«Atalǵan fakti boiynsha qylmystyq is qozǵaldy. Aldyn ala málimet boiynsha, 27 jastaǵy áiel turǵyn úidiń 15-qabatyndaǵy terezeden sekirgen. Qulaý kezinde ol balalar arbasyna túsken. Saldarynan eki jasar bala qaitys boldy. Áieldiń ózi de qaza tapty», – dep habarlady Astana qalasy Politsiia departamentiniń baspasóz qyzmeti.
Qazirgi ýaqytta quqyq qorǵaý organdary oqiǵanyń barlyq mán-jaiyn anyqtaý maqsatynda tergeý júrgizip jatyr.
