Naýryz meiramy qarsańynda Astana qalasyndaǵy Servis jáne týrizm kolledj ujymy umytylyp bara jatqan qazaqtyń dástúrli taǵamy – jentti daiyndaýdy qolǵa aldy, dep habarlaidy Dalanews.kz
Bul sharaǵa 15 óndiristik oqytý sheberi, 31 oqytýshy jáne 55 stýdent belsendi túrde qatysyp, ulttyq taǵamdy ázirleýdiń qyr-syryn meńgerdi. Daiyn ónimniń kólemi de tańǵalarlyq: jentke 50 kg talqan qoldanyldy. Onyń jalpy uzyndyǵy – 15 metr, eni – 30 sm, al biiktigi – 4 sm. Jalpy salmaǵy – 150 kg-ǵa jýyq.
Aita keteiik, jent - qazaqtyń asa sheberlikpen jasaityn ári óte dámdi, taǵamdyq nári mol jeńsik taǵamdardyń biri. Jent qysta qatpaidy, jazda buzylmaidy, árqashan dámi men nárin saqtaidy. Soǵan orai kóshpeli halyqtyń dastarqanynan úlken oryn alǵan.
