Shyǵys Qazaqstan oblysy Katonqaraǵai aýdanynda halyqaralyq «Altai – túrki áleminiń altyn besigi» festivali kókpar oiynymen bastaý aldy, dep habarlaidy dalanews.kz.
Eki kúnge sozylatyn dodada óńirdiń ár túkpirinen kelgen komandalar baq synasýda.
Odan soń Berel aýylyndaǵy «Patshalar alqaby» tarihi-mádeni kesheni aýmaǵynda belgili aqyn Aqtan Nurbaevtyń týǵanyna 100 jyl tolýyna orai as berildi. Oǵan qalamgerler, mádeniet qairatkerleri jáne aqynnyń jaqyndary qatysty.
Keshke qarai dúiim jurt «Tór Altai Aqtanyn jyrlaidy» atty respýblikalyq poeziia festivaline jinaldy. Jyr nóseri tógilgen sharaǵa Shyǵys Qazaqstan oblysynyń ákimi Nurymbet Saqtaǵanov keldi.
«Qasietti Tór Altaidyń muzart shyńdary aspanmen tildesip, móldir bulaǵy máńgiliktiń kúiin shertken, tasyn túrtse tarih sairap, túgin tartsa maiy shyǵatyn bul ólkede dúniege kelý bylai tursyn, jai ǵana bas qosýdyń ózi – asqan baqyt. Osy óńirden túlep ushqan kórnekti aqyn Aqtan Nurbaevtyń 100 jyldyq mereitoiyn eldik deńgeide atap ótý úshin bas qosyp otyrmyz. Biz úshin bul toi - qazaq jyrynyń mereii, Altaidyń abyroiy, ult rýhynyń saltanaty», - dedi aimaq basshysy.
Poeziia merekesinde elimizdiń ár óńirinen jinalǵan belgili aqyndar men qalamgerler óleń oqydy. Olardyń qatarynda Erbol Alshynbai (Abai oblysy), Indira Kereeva (Aqtóbe oblysy), Sherhan Talap (Astana qalasy), Dildá Ýálibek (Astana qalasy), Aibek Oralhan (Pavlodar oblysy), Pirjan Sandybai (Qyzylorda oblysy), Áskerhan Aqtai (Shyǵys Qazaqstan oblysy), Murathan Kenjehanuly (Shyǵys Qazaqstan oblysy), Oljas Kereihan (Shyǵys Qazaqstan oblysy), Orazai Jeńisuly (Shyǵys Qazaqstan oblysy), Qyzyrbek Dúrginbaiuly (Shyǵys Qazaqstan oblysy), Esenbol Naýryzbai (Shyǵys Qazaqstan oblysy), Estai Jańabai (Shyǵys Qazaqstan oblysy), Qumar Ziiathan (Shyǵys Qazaqstan oblysy) jáne Maqsat Daýylbaiuly (Astana qalasy) bar. Olardyń árqaisysyna jarty million teńgeden berildi.
11 shilde kúni saǵat 11.00-de «Aqtanymyn Altaidyń» atty respýblikalyq aqyndar aitysy bastalady.
Al keshke sahna tórine Qazaqstan, Ázerbaijan, Vengriia, Qyrǵyzstan, Ózbekstan, Túrkiia, Qaraqalpaqstan (Ózbekstan Respýblikasy), Bashqurtstan (Resei Federatsiiasy), Tyva Respýblikasy (Resei Federatsiiasy) jáne Mońǵoliiadan kelgen ónerpazdar shyǵady. Keshtiń basty hedlaineri – Dimash Qudaibergen bolmaq.
