Astanada stýdentter men olardyń ata-analaryn aldap, grantqa aýystyrý jóninde ýáde berip, aqshalaryn iemdengen burynǵy JOO qyzmetkeri sottaldy, dep habarlaidy Dalanews.kz.
Túlekterdi jumyspen qamtýǵa járdemdesý sektorynda jumys istei otyryp, ol stýdentter men olardyń ata-analaryn akademiialyq úlgerim, grantqa aýystyrý jáne stipendiiany qaitarý máselelerin «sheship» bere alatynyna sendirgen.
2023-2024 jyldar aralyǵynda ol alaiaqtyq jolmen 3 mln teńgeden astam qarjyny iemdengeni anyqtaldy. Onyń áreketinen 15 adam zardap shekken.
Memlekettik aiyptaýshy onyń kinásin tolyq dáleldedi.
Jábirlenýshilerge keltirilgen shyǵyn óteldi.
Kinásin moiyndap, zalaldy óteýi jáne kámeletke tolmaǵan balalarynyń bolýy eskerilip, ol 3 jylǵa bas bostandyǵyn shekteý jazasyna sottalyp, taǵaiyndalǵan merzimge probatsiialyq baqylaý belgilendi.
Úkim zańdy kúshine endi.
