Memleket basshysy Qasym-Jomart Toqaev pen elimizge resmi saparmen kelgen Gvineia-Bisaý Prezidenti Ýmarý Sisoký Embalo "Astana" halyqaralyq qarjy ortalyǵyna bardy. AHQO basqarýshysy Renat Bekturov qarjy ortalyǵynyń qurylymy jáne qyzmetiniń negizgi baǵyttary týraly málimet berdi, dep jazady Dalanews.kz.
Onyń aitýynsha, eki el ortalyq alańynda investitsiia, jasyl jáne islamdyq qarjylandyrý, sondai-aq qarjy salasynyń mamandaryn oqytý sekildi basym baǵyttar boiynsha yntymaqtastyq ornata alady.
"Búginde AHQO arqyly tartylǵan investitsiia kólemi 14 milliard dollardy quraǵan. Onyń 6,7 milliard dollary – Astana International Exchange birjasyndaǵy portfeldik investitsiialar. Ortalyqta álemdegi 85 eldiń 3400-den astam kompaniiasy tirkelgen. Olardyń qatarynda Afrika qurlyǵynan 6 kompaniia bar", delingen Aqorda habarlamasynda.
Qazaqstan men Gvineia-Bisaý prezidentterine pretsedenttik quqyq normalary men qaǵidattaryna negizdelgen Ortalyq Aziiadaǵy alǵashqy sot júiesi – AHQO sotynyń, sondai-aq Halyqaralyq tórelik ortalyǵy men Jasyl qarjy ortalyǵynyń qyzmeti týraly baiandaldy. Memleketter basshylary AHQO Qarjylyq qyzmetter kórsetýdi retteý jónindegi komitetiniń (AFSA) jumysymen jáne qarjy ortalyǵynyń retteý rejiminiń erekshelikterimen tanysty.
