Prezidenttiń tapsyrmasy boiynsha Astana sý qoimasy 55 jyldan keiin alǵash ret tazartylyp jatyr,- dep habarlaidy Dalanews.kz Sý resýrstary jáne irrigatsiia ministrligine silteme jasap.
Keshendi tazartý jumysyn Sý resýrstary jáne irrigatsiia ministrliginiń qoldaýymen «Qazsýshardyń» Aqmola oblysyndaǵy filialy júrgizip jatyr.
Sý qoimasyn tazartýǵa arnaiy eki tehnika jumyldyrylǵan: saǵatyna 2000 tekshe metrge deiin túrli shógindilerden tazartatyn úlken jersnariad jáne qýaty saǵatyna 900 tekshe metrge deiin jetetin kópfýnktsionaldy ári ózdiginen júretin shaǵyn jersnariad.
Biyl Astana sý qoimasynan 50 myń tonna lai shyǵarý josparlanǵan. Bul jumystar qazan aiynyń sońyna deiin jalǵasyp, jyl saiyn 13 jyl boiy júrgiziledi. Nátijesinde Astana sý qoimasynyń syiymdylyǵy 47 mln tekshe metrge artady. Nysan kóbirek sý jinap, elorda turǵyndaryn sýmen qamtamasyz etýdi jaqsartýǵa múmkindik beredi. Astana sý qoimasy 1970 jyly paidalanýǵa berilgen. Búginde nysandy túbindegi shógindilerden tazartý alǵash ret júrgizilip jatyr.
«Prezidenttiń tapsyrmasyn oryndaý úshin arnaiy mamandar toby quryldy. Barlyq qyzmetker arnaiy tehnikamen jumys isteý úshin qajetti oqytýdan jáne daiyndyqtan ótti. Astana sý qoimasy - elordany sýmen qamtamasyz etýde mańyzdy ról atqaratyn strategiialyq nysan. Zamanaýi tehnikanyń arqasynda biz bul sý qoimasyn jarty ǵasyrdan keiin alǵash ret tazartyp, jumysty jaqsy ári tiimdi atqara alamyz»,– dedi Sý resýrstary jáne irrigatsiia ministri Nurjan Nurjigitov.
