Astana soty Bishimbaevty 2 aiǵa qamaýǵa sanktsiia shyǵardy
Bishimbaevtyń para aldy degen kúdikpen ustalǵany jóninde 10 qańtarda belgili bolǵan. Ol Astana ishki ister departamentiniń ýaqytsha tergeý izoliatoryna qamalǵan bolatyn. Budan keiin Korrýptsiiaǵa qarsy qyzmet burynǵy ministrdiń «birneshe ret iri kólemde para alý faktisi» boiynsha ustalǵanyn habarlaǵan.
2016 jyldyń jeltoqsan aiynda onyń qyzmetinen alynýy «Baiterek» ulttyq holdingti basqaryp turǵandaǵy isterimen bailanysty bolǵan. 2016 jyldyń qarasha aiynda «Baiterek» holdinginiń quramyna kiretin «Baiterek DEVELOPMENT» kompaniiasynyń basshysyna qatysty sotqa deiingi tergeý jumystary bastalǵan. Tergeýshiler «Baiterek DEVELOPMENT» kompaniiasynyń top-menedjerlerine «Nurly jol» memlekettik baǵdarlamasy aiasynda qurylys kompaniialarynan 288 million teńge para alǵan degen aiyp taǵylǵan.
Bul is boiynsha qamaýǵa alynǵandardyń ishinde «Baiterek DEVELOPMENT» kompaniiasy basqarma basshysynyń orynbasary Aslan Jaqypov bar. Ol burynǵy Batys-Qazaqstan oblysy ákiminiń jáne burynǵy parlament májilisiniń spikeri Qabibolla Jaqypovtyń uly.
