بيشىمبايەۆتىڭ پارا الدى دەگەن كۇدىكپەن ۇستالعانى جونىندە 10 قاڭتاردا بەلگىلى بولعان. ول استانا ىشكى ىستەر دەپارتامەنتىنىڭ ۋاقىتشا تەرگەۋ يزولياتورىنا قامالعان بولاتىن. بۇدان كەيىن كوررۋپسياعا قارسى قىزمەت بۇرىنعى ءمينيستردىڭ «بىرنەشە رەت ءىرى كولەمدە پارا الۋ فاكتىسى» بويىنشا ۇستالعانىن حابارلاعان.
2016 جىلدىڭ جەلتوقسان ايىندا ونىڭ قىزمەتىنەن الىنۋى «بايتەرەك» ۇلتتىق حولدينگتى باسقارىپ تۇرعانداعى ىستەرىمەن بايلانىستى بولعان. 2016 جىلدىڭ قاراشا ايىندا «بايتەرەك» حولدينگىنىڭ قۇرامىنا كىرەتىن «بايتەرەك DEVELOPMENT» كومپانياسىنىڭ باسشىسىنا قاتىستى سوتقا دەيىنگى تەرگەۋ جۇمىستارى باستالعان. تەرگەۋشىلەر «بايتەرەك DEVELOPMENT» كومپانياسىنىڭ توپ-مەنەدجەرلەرىنە «نۇرلى جول» مەملەكەتتىك باعدارلاماسى اياسىندا قۇرىلىس كومپانيالارىنان 288 ميلليون تەڭگە پارا العان دەگەن ايىپ تاعىلعان.
بۇل ءىس بويىنشا قاماۋعا الىنعانداردىڭ ىشىندە «بايتەرەك DEVELOPMENT» كومپانياسى باسقارما باسشىسىنىڭ ورىنباسارى اسلان جاقىپوۆ بار. ول بۇرىنعى باتىس-قازاقستان وبلىسى اكىمىنىڭ جانە بۇرىنعى پارلامەنت ءماجىلىسىنىڭ سپيكەرى قابيبوللا جاقىپوۆتىڭ ۇلى.
