Astana mańyndaǵy tasjolda 95 avtokólik soqtyǵysty. Bul týraly "QazAvtoJol" málim etti, - dep habarlaidy Dalanews.kz.
3 qańtarda saǵat 07:20-da aýa raiynyń nasharlaýyna bailanysty respýblikalyq mańyzy bar "Astana-Petropavl" avtojolynyń (18-232 shaqyrym) ýchaskesinde barlyq avtokólik túrleriniń qozǵalysyna shekteý engizildi. Aýa raiy jaqsarǵannan keiin jáne jol tazartylǵan soń, saǵat 12:30-da Shýchinsk qalasy baǵytyna qozǵalys politsiia departamenti qyzmetkerleri men "QazAvtoJol" arnaiy tehnikamen uiymdastyryldy.
Alaida, aldyn ala málimetter boiynsha, júrgizýshilerdiń jyldamdyq rejimi men qaýipsiz qashyqtyqty saqtamaýynan saǵat 13:28-de joldyń 153-shaqyrymynda, Janatalap aýyly mańynda shamamen 95 kólik jappai jol apatyna túsken.
Oqiǵa ornynda politsiia qyzmetkerleri men "QazAvtoJol" mamandary jumys istep jatyr. Bir jolaq tazartylyp, jaramdy kólikter qozǵalysyn bastady. Oqiǵa ornynda 22 birikken jol mashinasy jáne 2 traktor jumyldyrylǵan. Qazirgi ýaqytta kórsetilgen jol ýchaskesinde barlyq kólik túrleriniń qozǵalysyna qaita shekteý qoiyldy. Jol qyzmetteri táýlik boiy jumys istep jatyr.
