Astanadaǵy birqatar rezonanstyq oqiǵalardan keiin qaladaǵy turǵyn úilerdiń qaýipsizdigi qaita talqylana bastady, dep habarlaidy Dala News.
Ónerkásip jáne qurylys ministrliginiń málimetinshe, elordada qazirgi ýaqytta 178 turǵyn úi apatty jaǵdaida dep tanylǵan. Bul negizinen 1950–1960 jyldary salynǵan ǵimarattar.
Vitse-ministr Qýandyq Qajkenov sońǵy ýaqytta bolǵan birneshe oqiǵa – feldsherdiń ústine fasadtyń qulaýy, liftke qatysty jaǵdai jáne apatty úiler máselesi boiynsha tekseris júrgizilip jatqanyn aitty. Qazir ǵimarattarǵa tehnikalyq saraptama jasalyp, arnaiy komissiia oqiǵanyń naqty sebepterin anyqtaýy tiis.
Ministrlik ókiliniń aitýynsha, eger aqaýlar qurylys kezindegi qatelikterden týyndaǵany dáleldense, jaýapkershilik qurylys kompaniiasyna júkteledi. Mundai jaǵdaida ákimshilik nemese qylmystyq jaýapkershilikke deiin qarastyrylýy múmkin. Al másele úidi kútip-ustaýdyń sapasyzdyǵynan bolsa, onda basqarýshy kompaniialar nemese OSI jaýap beredi.
Sondai-aq vitse-ministr negizgi qurylys konstrýktsiialaryna keminde 10 jyldyq kepildik beriletinin eske saldy. Eger osy merzim ishinde aqaý anyqtalsa, ony qurylys salýshy óz esebinen joiýǵa mindetti.
Jalpy el boiynsha shamamen 60 myń turǵyn úi bar. Sonyń 1,7%-y apatty jaǵdaidaǵy ǵimarattar qataryna jatady. Elordadaǵy mundai úilerdiń bir bóligi tehnikalyq turǵydan kúsheitilse, endi bir bóligi buzylyp, ornyna jańa turǵyn úiler salý josparlanyp otyr.
