Astana qalasy ákimdigi qys mezgilinde qala turǵyndary men qonaqtaryna arnap kóptegen oiyn-saýyq oryndary ázirleýdi kózdep otyr. Jergilikti bilik oryndary qaladaǵy muz aidyndary men syrǵanaqtarda tartymdy shaǵyn arhitektýralyq músinder, fotoaimaqtar oranatatyn bolady. Qalanyń 6 aýdanynda mundai 60-qa jýyq oryn ashylyp, qys mezgilinde jumys isteidi, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Qaladaǵy aýdandyq ákimdikterdiń balansynda bar shyrshalar ornatylady. Kóshelerdi jańa jyldyq bezendirý úshin byltyrǵy girliandalardyń, qondyrǵylardyń jáne ózge de áshekeilerdiń bir bóligi paidalanylatynyn aita ketýimiz kerek. Qysqy demalysqa arnalǵan birqatar qoǵamdyq keńistik arnaiy taqyryptaǵy shaǵyn arhitektýralyq nysandarmen jáne jaryq qondyrǵylarymen bezendiriletin bolady.
Nura aýdanynda otbasylarǵa arnalǵan qysqy oiyn-saýyq ortalyq saiabaqta, «Zelenyi kvartal» TK, Úrker turǵyn alaby, Asia Park SOO janynda jáne «Astana Arena» stadionynyń aýmaǵynda uiymdastyrylady. Aýdan aýmaǵynda tartymdy oryndar men kóshelerdiń bezendirilýimen qatar, túngi jaryqtandyrýmen 40-tan astam shaǵyn sáýlet nysany ornatylatyn bolady. Sondai-aq, 4 muz aidyny jumys isteitin bolady.
Biyl Almaty jáne Saraishyq aýdandarynda turǵyndar úshin Qazaq eli alańy, Oqýshylar saraiynyń aýmaǵy, Prezidenttik saiabaq, Triatlon parki jáne «Sana» SK, sol siiaqtyy turǵyn alaptardyń qoǵamdyq keńistikterinde muz syrǵanaqtary men muz aidyndary ornatylady.
Baiqońyr aýdanynda jańa jyldyq túrli qondyrǵylarmen jáne demalys oryndaryn ashý arqyly merekelik atmosfera ornatý josparlanýda. Negizgi oiyn-saýyq nysandary myna oryndarda ornalasady: «Jastar» saraiynyń aýmaǵynda, Atatúrik atyndaǵy saiabaqta, Jazýshylar alleiasynda jáne t.b. Kóshe boiynda jáne Aqbulaq ózeni arqyly ótetin kópirde jańa jylǵa arnalǵan jaryq girliandalar qoiý josparlanyp otyr.
Esil aýdanynda negizgi oryndar merekelik jaryqtandyrýmen jáne dekoratsiiamen bezendiriledi. Qonaev jáne Dostyq kósheleriniń boiyndaǵy, Báiterektiń perimetri boiynda, sondai-aq Máńgilik El dańǵylynda, «Ulytaý» botanikalyq baǵy men alańyndaǵy aǵashtar jaryq girliandtarmen jáne basqa da merekelik elementtermen bezendiriledi.
Báiterek, Nurjol jelekjoly, Jelilik park, Astana balet teatry siiaqty azamattar úshin tartymdy negizgi oryndarda jáne Máńgilik El dańǵylynyń Uly dala kóshesimen qiylysynda jańa jyldyq taqyrypta shaǵyn sáýlet nysandary ornatylady. EKSPO, Botanikalyq baq jáne Prigorodnyi turǵyn alabyn qosa alǵanda, negizgi alańdar men saiabaqtarda merekelik shyrshalar jáne t.b. ornatylady.
Saryarqa aýdanynda jańa jyl merekesine orai Esil ózeniniń jaǵasynda syrǵanaqtar, muz aidyny, arnaiy taqyryptaǵy shaǵyn arhitektýralyq músinsheler men shyrsha ornatylady, al qalalyq alańda – úlken syrǵanaq, aýdany 600 sh.m. muz aidyny jáne jańa jyldyq fotoaimaqtar bolady, sol siiaqty 13 m tiri shyrsha bezendiriledi. Sondai-aq, alańdar, vokzaldar men negizgi kóshelerde ártúrli shaǵyn arhitektýralyq músinsheler, slaidtar men jańa jyldyq qondyrǵylar ornatylady. Bul búkil aýdanda merekelik atmosfera ornatady.
Aýdandyq ákimdikter qysqy bezendirý jumystaryna shamamen 696,7 mln teńge bóletin bolady, onyń ishinde:
- Nura aýdany – 79 mln teńge;
- Saryarqa aýdany – 110 mln teńge;
- Almaty jáne Saraishyq aýdany – 165 mln teńge;
- Baiqońyr aýdany – 158,8 mln teńge;
- Esil aýdany – 183,9 mln teńge;
Muz aidyndaryn, slaidtardy, shaǵyn arhitektýralyq músinshelerdi, fotoaimaqtardy jáne basqa elementterdi ornatý boiynsha montajdaý jumystary qarasha aiynyń ortasynan bastaldy. Bul jumystar jeltoqsannyń ekinshi onkúndiginde kezeń-kezeńimen aiaqtalatyn bolady.
