Qazaqstanda kóktemgi sý tasqynyn dálirek boljaýǵa múmkindik beretin jańa joba iske qosylady. Bul baǵytta Sý resýrstary jáne irrigatsiia ministrligi AQSh kompaniialarymen birlesip jumys istemek, dep habarlaidy dalanews.kz.
Ministrlik amerikalyq aviatsiialyq monitoring salasyna mamandanǵan kompaniialarmen birlesken pilottyq jobany iske qosýdy josparlap otyr. Joba aiasynda arnaiy áýe jabdyqtarynyń kómegimen qar jamylǵysy skanerlenip, kóktemde eritin sýdyń kólemi esepteledi.
Mamandardyń aitýynsha, bul tehnologiia kóktemgi tasqyn qaýpin aldyn ala baǵalap, sý basý qaýpi joǵary aimaqtarda der kezinde qajetti sharalar qabyldaýǵa múmkindik beredi. Sonyń nátijesinde turǵyn úilerdi, eldi mekenderdi jáne aýyl sharýashylyǵy alqaptaryn qorǵaý jumystary tiimdirek uiymdastyrylmaq.
Pilottyq joba alǵash ret Aqmola oblysyndaǵy Jabai ózeni alabynda júzege asyrylady. Bul óńir jyl saiyn kóktemgi sý tasqyny qaýpi joǵary aimaqtardyń biri sanalady.
