استانا قالاسى اكىمدىگى قىس مەزگىلىندە قالا تۇرعىندارى مەن قوناقتارىنا ارناپ كوپتەگەن ويىن-ساۋىق ورىندارى ازىرلەۋدى كوزدەپ وتىر. جەرگىلىكتى بيلىك ورىندارى قالاداعى مۇز ايدىندارى مەن سىرعاناقتاردا تارتىمدى شاعىن ارحيتەكتۋرالىق مۇسىندەر، فوتوايماقتار وراناتاتىن بولادى. قالانىڭ 6 اۋدانىندا مۇنداي 60-قا جۋىق ورىن اشىلىپ، قىس مەزگىلىندە جۇمىس ىستەيدى، – دەپ حابارلايدى Dalanews.kz استانا قالاسى اكىمىنىڭ باسپا ءسوز قىزمەتىنە سىلتەمە جاساپ.
قالاداعى اۋداندىق اكىمدىكتەردىڭ بالانسىندا بار شىرشالار ورناتىلادى. كوشەلەردى جاڭا جىلدىق بەزەندىرۋ ءۇشىن بىلتىرعى گيرلياندالاردىڭ، قوندىرعىلاردىڭ جانە وزگە دە اشەكەيلەردىڭ ءبىر بولىگى پايدالانىلاتىنىن ايتا كەتۋىمىز كەرەك. قىسقى دەمالىسقا ارنالعان ءبىرقاتار قوعامدىق كەڭىستىك ارنايى تاقىرىپتاعى شاعىن ارحيتەكتۋرالىق نىساندارمەن جانە جارىق قوندىرعىلارىمەن بەزەندىرىلەتىن بولادى.
نۇرا اۋدانىندا وتباسىلارعا ارنالعان قىسقى ويىن-ساۋىق ورتالىق ساياباقتا، «زەلەنىي كۆارتال» تك، ۇركەر تۇرعىن الابى، Asia Park سوو جانىندا جانە «استانا ارەنا» ستاديونىنىڭ اۋماعىندا ۇيىمداستىرىلادى. اۋدان اۋماعىندا تارتىمدى ورىندار مەن كوشەلەردىڭ بەزەندىرىلۋىمەن قاتار، تۇنگى جارىقتاندىرۋمەن 40-تان استام شاعىن ساۋلەت نىسانى ورناتىلاتىن بولادى. سونداي-اق، 4 مۇز ايدىنى جۇمىس ىستەيتىن بولادى.
بيىل الماتى جانە سارايشىق اۋداندارىندا تۇرعىندار ءۇشىن قازاق ەلى الاڭى، وقۋشىلار سارايىنىڭ اۋماعى، پرەزيدەنتتىك ساياباق، ترياتلون پاركى جانە «Sana» سك، سول سياقتىى تۇرعىن الاپتاردىڭ قوعامدىق كەڭىستىكتەرىندە مۇز سىرعاناقتارى مەن مۇز ايدىندارى ورناتىلادى.
بايقوڭىر اۋدانىندا جاڭا جىلدىق ءتۇرلى قوندىرعىلارمەن جانە دەمالىس ورىندارىن اشۋ ارقىلى مەرەكەلىك اتموسفەرا ورناتۋ جوسپارلانۋدا. نەگىزگى ويىن-ساۋىق نىساندارى مىنا ورىنداردا ورنالاسادى: «جاستار» سارايىنىڭ اۋماعىندا، اتاتۇرىك اتىنداعى ساياباقتا، جازۋشىلار اللەياسىندا جانە ت.ب. كوشە بويىندا جانە اقبۇلاق وزەنى ارقىلى وتەتىن كوپىردە جاڭا جىلعا ارنالعان جارىق گيرلياندالار قويۋ جوسپارلانىپ وتىر.
ەسىل اۋدانىندا نەگىزگى ورىندار مەرەكەلىك جارىقتاندىرۋمەن جانە دەكوراسيامەن بەزەندىرىلەدى. قونايەۆ جانە دوستىق كوشەلەرىنىڭ بويىنداعى، بايتەرەكتىڭ پەريمەترى بويىندا، سونداي-اق ماڭگىلىك ەل داڭعىلىندا، «ۇلىتاۋ» بوتانيكالىق باعى مەن الاڭىنداعى اعاشتار جارىق گيرلياندتارمەن جانە باسقا دا مەرەكەلىك ەلەمەنتتەرمەن بەزەندىرىلەدى.
بايتەرەك، نۇرجول جەلەكجولى، جەلىلىك پارك، استانا بالەت تەاترى سياقتى ازاماتتار ءۇشىن تارتىمدى نەگىزگى ورىنداردا جانە ماڭگىلىك ەل داڭعىلىنىڭ ۇلى دالا كوشەسىمەن قيىلىسىندا جاڭا جىلدىق تاقىرىپتا شاعىن ساۋلەت نىساندارى ورناتىلادى. ەكسپو، بوتانيكالىق ب ا ق جانە پريگورودنىي تۇرعىن الابىن قوسا العاندا، نەگىزگى الاڭدار مەن ساياباقتاردا مەرەكەلىك شىرشالار جانە ت.ب. ورناتىلادى.
سارىارقا اۋدانىندا جاڭا جىل مەرەكەسىنە وراي ەسىل وزەنىنىڭ جاعاسىندا سىرعاناقتار، مۇز ايدىنى، ارنايى تاقىرىپتاعى شاعىن ارحيتەكتۋرالىق مۇسىنشەلەر مەن شىرشا ورناتىلادى، ال قالالىق الاڭدا – ۇلكەن سىرعاناق، اۋدانى 600 ش.م. مۇز ايدىنى جانە جاڭا جىلدىق فوتوايماقتار بولادى، سول سياقتى 13 م ءتىرى شىرشا بەزەندىرىلەدى. سونداي-اق، الاڭدار، ۆوكزالدار مەن نەگىزگى كوشەلەردە ءارتۇرلى شاعىن ارحيتەكتۋرالىق مۇسىنشەلەر، سلايدتار مەن جاڭا جىلدىق قوندىرعىلار ورناتىلادى. بۇل بۇكىل اۋداندا مەرەكەلىك اتموسفەرا ورناتادى.
اۋداندىق اكىمدىكتەر قىسقى بەزەندىرۋ جۇمىستارىنا شامامەن 696،7 ملن تەڭگە بولەتىن بولادى، ونىڭ ىشىندە:
- نۇرا اۋدانى – 79 ملن تەڭگە؛
- سارىارقا اۋدانى – 110 ملن تەڭگە؛
- الماتى جانە سارايشىق اۋدانى – 165 ملن تەڭگە؛
- بايقوڭىر اۋدانى – 158،8 ملن تەڭگە؛
- ەسىل اۋدانى – 183،9 ملن تەڭگە؛
مۇز ايدىندارىن، سلايدتاردى، شاعىن ارحيتەكتۋرالىق مۇسىنشەلەردى، فوتوايماقتاردى جانە باسقا ەلەمەنتتەردى ورناتۋ بويىنشا مونتاجداۋ جۇمىستارى قاراشا ايىنىڭ ورتاسىنان باستالدى. بۇل جۇمىستار جەلتوقساننىڭ ەكىنشى ونكۇندىگىندە كەزەڭ-كەزەڭىمەن اياقتالاتىن بولادى.
