Astana qalalyq politsiia departamenti agrosarapshy, Fermerlerdiń biryńǵai respýblikalyq qaýymdastyǵynyń negizin qalaýshy Kirill Pavlovtyń aýyl sharýashylyǵy ministri Aidarbek Saparovqa qarsy jazǵan aryzy boiynsha qylmystyq is qozǵaýdan bas tartqan, dep habarlaidy Dalanews.kz.
Pavlovtyń aiyby
Sarapshy ministrdi Qazaqstannyń sút ónimderimen tolyq qamtamasyz etilgeni jóninde jalǵan málimet taratty dep aiyptaǵan. Pavlov qyrkúiek aiynda aryzdy Esil aýdandyq politsiia basqarmasyna tapsyrǵan jáne Prezident Ákimshiliginen bul isti baqylaýǵa alýdy suraǵan.
«Qazaqstan 100% sút ónimderimen ózin tolyq qamtamasyz etedi degen jalǵan aqparat taratqany úshin aýyl sharýashylyǵy ministri Saparovqa qatysty Astana politsiiasyna aryz jazdym», - dep málimdegen Pavlov.
Resmi derekter ministr sózine qaishy
Sarapshy óz sózin resmi statistikamen jáne halyqaralyq bazalardaǵy derektermen dáleldegen. 2024 jyly Qazaqstan 183 myń tonna sút pen sút ónimin importtaǵan. Bul 410,7 million dollar (222,4 milliard teńge) bolǵan.
Pavlovtyń esebinshe:
eldegi irimshik pen súzbe naryǵynyń 48%-y importqa táýeldi;
sary mai men maily sút ónimderiniń 15%-y da shetelden keledi.
Jaqynda sarapshy óz ótinishine beinejazba túrinde qosymsha dálel joldady. Onda aýyl sharýashylyǵy ministrliginiń agroónerkásip jáne qaita óńdeý departamentiniń direktory Shaimerden Ahmetov eldiń sút ónimderimen ózin tolyq qamti almai otyrǵanyn moiyndaidy.
Pavlov bul jazbany «óz ýájimniń 100% dáleli» dep atap, ony istiń materialdaryna qosýdy suraǵan.
Politsiia isti tirkemedi
Alaida Telegram-arnalar taratqan málimetke sáikes, politsiia isti qozǵaýdan bas tartqan.
«Tekserý nátijesinde aryzda kórsetilgen ýájderde QR Qylmystyq kodeksinde qarastyrylǵan quqyq buzýshylyq belgileri anyqtalmady. Sondyqtan materialdar QR Qylmystyq-protsestik kodeksiniń talaptaryna sáikes Biryńǵai tergeý tizilimine tirkelmei qaldyryldy», - delingen politsiia jaýabynda.
Sarapshy ministrliktiń esebine kúmán keltirdi
Pavlov usynǵan resmi málimetter men aýyl sharýashylyǵy ministrliginiń ókilderiniń moiyndaýlary onyń ýájiniń negizdi ekenin kórsetedi. Sarapshynyń aitýynsha, bul jaǵdai ministrliktiń resmi málimdemeleri men naryqtaǵy shynaiy jaǵdai arasyndaǵy alshaqtyqty aiqyn kórsetedi jáne agrarlyq eseptiliktiń naqtylyǵyna kúmán týǵyzady.
