Aqmola oblysynyń Jibek Joly aýylynda eki jylytý qazandyǵy jaryldy. Oqiǵa saldarynan bir adam zardap shekti, dep habarlaidy Dalanews.kz Arshaly aýdany ákimdigine silteme jasap.
Vedomstvo málimetinshe, 2025 jyldyń 10 qarashasynda Jibek Joly aýylyndaǵy jeke turǵyn úide, ishinde qosymsha salynǵan 10 sharshy metrlik qazandyq bólmesinde jylytý qazandyǵy jarylǵan. Oqiǵa kezinde órt shyqpaǵanymen, qabyrǵanyń bir bóligi qiraǵan.
Oqiǵa saldarynan 1974 jyly týǵan er adam zardap shekken, ol Astananyń №1 kópsalaly oblystyq aýrýhanasyna jetkizilgen. Aýrýhanada naýqasqa meditsinalyq kómek kórsetilip, diagnoz qoiyldy — jabyq bas-mi jaraqaty, shash bóliginiń soqqyly jyrtylǵan jarasy. Tekserýden keiin ol ambýlatoriialyq em alýǵa jiberildi.
Sonymen qatar, sol aýyldaǵy bir JShS-de de jylytý qazandyǵy jarylǵan. Atalǵan oqiǵa saldarynan eshkim zardap shekken joq.
Oqiǵa ornyna Arshaly aýdany TJ bóliminyń jedel áreket etý kúshteri dereý jiberildi: 2 qyzmetker jáne 1 tehnika birligi attandyryldy, sondai-aq Jibek Joly aýylynan 3 adamnan turatyn komanda shyqty.
Qazirgi ýaqytta oqiǵanyń sebepterin anyqtaý boiynsha tergeý-operativtik is-sharalar júrgizilýde.
