2024 jyldyń qarasha aıynda elimizde jyldyq ınflásıa baıaýlap, 8,4 qurady (qazanda – 8,5%). 10 óńirde jyldyq ınflásıa qarqyn aldy, 9 óńirde baıaýlap, bir óńirde ózgerissiz qaldy, dep jazady Dalanews.kz. 

Ulttyq bank málimetinshe, jyldyq ınflásıanyń eń joǵary máni Astana qalasynda tirkeldi.

Qarashada azyq-túlik taýarlarynyń baǵasy j/j 5,4%-ǵa deıin jedeldedi (qazanda – 4,9%). Osy toptaǵy taýarlar baǵasy Jetisý oblysynda (7,9%) barynsha joǵary, al Túrkistan oblysynda (3,2%) meıilinshe tómen ósti.

Azyq-túlikke jatpaıtyn taýarlar baǵasynyń ósý qarqyny j/j 8,0%-ǵa deıin jedeldedi (qazanda – 7,8%). Eń joǵary mán Túrkistan oblysynda (13,3%), eń tómengi mán Pavlodar oblysynda (5,1%) tirkeldi.

Qarashada aqyly kórsetiletin qyzmet baǵasy j/j 13,3%-ǵa deıin baıaýlady (qazanda – 14,3%). Sonymen qatar jalpy respýblıkalyq deńgeıden baǵa Astana qalasynda (16,2%) birshama joǵary, Túrkistan oblysynda (9,4%) aıtarlyqtaı tómen ósti.

Qarashada el boıynsha aılyq ınflásıa 0,9%-ǵa ósti, bul – burynǵy ortasha máninen joǵary (2017-2021 jyldardaǵy qazanda – 0,8%).