Astana qalasy jáne Býrabai kýrortyn áýe marshrýty arqyly bailanystyrý josparlanyp otyr. Bul týraly Aqmola oblysynyń ákimi Marat Ahmetjanov brifingte málimdedi, dep habarlaidy Dalanews.kz
Ol Shýchinsk-Býrabai kýrorttyq aimaǵy oblystyń týristik kartasynda erekshe oryn alatynyn atap ótti. Naýryz aiynda 2029 jylǵa deiingi damý jospary bekitilgen, onyń basty baǵyty – týristik, transporttyq jáne injenerlik infraqurylymdy jańǵyrtý.
Ákim sonymen qatar týristerge «tek kól jaǵasynda demalý ǵana emes, odan da kóp nárse usynǵysy keletinin» aitty. Sondyqtan biyl Býrabai kýrortynda tikushaqpen ekskýrsiialar uiymdastyryldy.
Sonymen qatar, kishigirim áýejai salý jáne Astanamen tikelei reisti iske qosý josparlanyp otyr.
«Astanamen tikelei áýe qatynasyn qamtamasyz etý úshin kishigirim áýejai ashý jobasy ázirlenip jatyr. Bul joldaǵy ýaqytty aitarlyqtai qysqartýǵa múmkindik beredi», – dedi Ahmetjanov.
