استانا قالاسى جانە بۋراباي كۋرورتىن اۋە مارشرۋتى ارقىلى بايلانىستىرۋ جوسپارلانىپ وتىر. بۇل تۋرالى اقمولا وبلىسىنىڭ اكىمى مارات احمەتجانوۆ بريفينگتە مالىمدەدى، دەپ حابارلايدى Dalanews.kz
ول شۋچينسك-بۋراباي كۋرورتتىق ايماعى وبلىستىڭ تۋريستىك كارتاسىندا ەرەكشە ورىن الاتىنىن اتاپ ءوتتى. ناۋرىز ايىندا 2029 جىلعا دەيىنگى دامۋ جوسپارى بەكىتىلگەن، ونىڭ باستى باعىتى – تۋريستىك، ترانسپورتتىق جانە ينجەنەرلىك ينفراقۇرىلىمدى جاڭعىرتۋ.
اكىم سونىمەن قاتار تۋريستەرگە «تەك كول جاعاسىندا دەمالۋ عانا ەمەس، ودان دا كوپ نارسە ۇسىنعىسى كەلەتىنىن» ايتتى. سوندىقتان بيىل بۋراباي كۋرورتىندا تىكۇشاقپەن ەكسكۋرسيالار ۇيىمداستىرىلدى.
سونىمەن قاتار، كىشىگىرىم اۋەجاي سالۋ جانە استانامەن تىكەلەي رەيستى ىسكە قوسۋ جوسپارلانىپ وتىر.
«استانامەن تىكەلەي اۋە قاتىناسىن قامتاماسىز ەتۋ ءۇشىن كىشىگىرىم اۋەجاي اشۋ جوباسى ازىرلەنىپ جاتىر. بۇل جولداعى ۋاقىتتى ايتارلىقتاي قىسقارتۋعا مۇمكىندىك بەرەدى»، – دەدى احمەتجانوۆ.
