Astana halyqaralyq áýejaiy 2025 jyldyń qorytyndysy boiynsha 6,89 mlrd teńge taza shyǵynǵa ushyrady. Al bir jyl buryn kásiporyn 1,24 mlrd teńge taza paida tapqan, dep habarlaidy dalanews.kz.
Nege.Aqsha málimetinshe, áýejaidyń tabysy artqanyna qaramastan, jyldyq qarjylyq nátije teris kórsetkishke túsken. Atap aitqanda, kásiporynnyń kirisi bir jylda shamamen úshten birge ósip, 67,16 mlrd teńgege jetti.
Shyǵynnyń kúrt ósýine ózge de shyǵystardyń kóbeiýi negizgi sebep bolǵan. Bul kórsetkish bir jyl ishinde 1,41 mlrd teńgeden 12,96 mlrd teńgege deiin ulǵaiǵan. Sonyń 10,49 mlrd teńgesi negizgi quraldardyń qunsyzdanýyna bailanysty esepten shyǵarylǵan. Salystyrý úshin, 2024 jyly mundai shyǵyn nebári 9,3 mln teńge bolǵan.
Soǵan qaramastan, áýejaidyń negizgi qyzmeti tabys ákelýin jalǵastyrǵan. Jalpy paida 13,9 paiyzǵa artyp, 7,3 mlrd teńgeni qurady. Al operatsiialyq paida 3,4 mlrd teńgege jetti.
