استانا حالىقارالىق ەۋەجايى 2025 جىلدىڭ قورىتىندىسى بويىنشا 6,89 ملرد تەڭگە تازا شىعىنعا ۇشىرادى. ال بٸر جىل بۇرىن كەسٸپورىن 1,24 ملرد تەڭگە تازا پايدا تاپقان, دەپ حابارلايدى dalanews.kz.
Nege.Aqsha مەلٸمەتٸنشە, ەۋەجايدىڭ تابىسى ارتقانىنا قاراماستان, جىلدىق قارجىلىق نەتيجە تەرٸس كٶرسەتكٸشكە تٷسكەن. اتاپ ايتقاندا, كەسٸپورىننىڭ كٸرٸسٸ بٸر جىلدا شامامەن ٷشتەن بٸرگە ٶسٸپ, 67,16 ملرد تەڭگەگە جەتتٸ.
شىعىننىڭ كٷرت ٶسۋٸنە ٶزگە دە شىعىستاردىڭ كٶبەيۋٸ نەگٸزگٸ سەبەپ بولعان. بۇل كٶرسەتكٸش بٸر جىل ٸشٸندە 1,41 ملرد تەڭگەدەن 12,96 ملرد تەڭگەگە دەيٸن ۇلعايعان. سونىڭ 10,49 ملرد تەڭگەسٸ نەگٸزگٸ قۇرالداردىڭ قۇنسىزدانۋىنا بايلانىستى ەسەپتەن شىعارىلعان. سالىستىرۋ ٷشٸن, 2024 جىلى مۇنداي شىعىن نەبەرٸ 9,3 ملن تەڭگە بولعان.
سوعان قاراماستان, ەۋەجايدىڭ نەگٸزگٸ قىزمەتٸ تابىس ەكەلۋٸن جالعاستىرعان. جالپى پايدا 13,9 پايىزعا ارتىپ, 7,3 ملرد تەڭگەنٸ قۇرادى. ال وپەراتسييالىق پايدا 3,4 ملرد تەڭگەگە جەتتٸ.
