Astana halyqaralyq áýejaiyn senimgerlik basqarýǵa alǵan Birikken Arab Ámirlikteriniń Terminals Holding kompaniiasy jobadan shyǵýǵa daiyndalyp jatyr, dep habarlaidy Dalanews.kz
«Astana qalasy ákimdigi men Terminals Holding (BAÁ) kompaniiasy áýejaidy basqarý jónindegi seriktestikti ózara kelisim negizinde toqtatý týraly kelissózder júrgizip jatyr», – dep rastady ákimdik KazTAG agenttigine.
Eske sala keteiik, Astana áýejaiy 2023 jyldyń qarashasynda atalǵan kompaniianyń senimgerlik basqarýyna berilgen bolatyn, al resmi kelisim tek 2025 jyly rásimdelgen.
Biyl mamyr aiynda Qazaqstannyń Kólik ministrligi men BAÁ-niń Terminals Astana Airport Limited kompaniiasy (Terminals Holding quramyna kiredi) áýejaidy damytý týraly 1,1 mlrd dollar kólemindegi kelisimge qol qoiǵan edi.
Joba aiasynda:
-
ekinshi ushý-qoný jolaǵyn jáne jańa jolaýshylar terminalyn salý,
-
júk terminalyn turǵyzý,
-
jerústi jabdyqtaryn jańartý jáne tsifrlyq júieler engizý,
-
áýejai mańynda qonaqúi men logistikalyq nysandardy qamtityn aerotropolis keshenin damytý,
-
halyqaralyq standarttarǵa sai kadr daiarlaý josparlanǵan edi.
Kelisimniń basty talaptarynyń biri — qazaqstandyq biýdjet qarjysyn paidalanbaý jáne jumys oryndaryn saqtaý bolatyn.
Alaida, arab investorlarynyń ne sebepti jobadan bas tartýǵa sheshim qabyldaǵany ázirge belgisiz.
