BAÁ kompaniiasymen kelisimshart buzylǵannan keiin Astana áýejaiyna jańa investor áli tabylǵan joq. Bul týraly elordalyq kólik jáne jol-kólik infraqurylymyn damytý basqarmasy málimdedi, dep habarlaidy Dalanews.kz agenttigi Informburo.kz-ke silteme jasap.
Qazirgi tańda áýejaidyń qyzmetin óz ákimshiligi basqaryp otyr.
2025 jylǵy 31 qazanda Astana qalasy ákimdigi men Terminals Astana Airport Limited kompaniiasy ózara kelisim boiynsha senimgerlik basqarý týraly shartty buzǵan. Atalǵan kelisim "Nursultan Nazarbaev halyqaralyq áýejaiy" AQ-nyń 100% aktsiiasyn senimgerlik basqarýǵa berýdi kózdegen edi.
"Qazirgi ýaqytta áýejai qyzmetin aktsionerlik qoǵam ózi basqaryp otyr. Reisterge qyzmet kórsetý, terminaldardyń jumysy, aviatsiialyq qaýipsizdik pen jolaýshylarǵa kórsetiletin qyzmetter burynǵydai, ózgerissiz jalǵasýda", – delingen habarlamada.
Basqarmada jańa investor nemese operator tartý múmkindigi qarastyrylyp jatqanyn atap ótti. Konsaltingtik kompaniialarmen birlesip, áleýetti basqarýshyǵa qoiylatyn talaptar ázirlenýde. Bul talaptar jolaýshylar jáne júk infraqurylymyn damytýǵa baǵyttalǵan investitsiialyq mindettemelerdi qamtýy múmkin.
