Astana áýejaiynyń jumysynyń qorytyndysy boiynsha 2016 jylǵy I jartyjyldyqta jolaýshylar aǵyny 1,5 mln. adamdy qurady, bul ótken jyldyń sol kezeńimen salystyrǵanda 5% artyq.
2016 jyldyń 6 aiynda ishki baǵyttar boiynsha jolaýshylardyń jalpy kólemi 1 mln. astam adamdy qurady (2015 jylǵa qaraǵanda 11%-ǵa ósken). Asa talap etiletin baǵyttar Almaty, Shymkent jáne Aqtaý bolyp tabylady.
2016 jyldyń I jartyjyldyǵynda halyqaralyq baǵyttarda qyzmet kórsetilgen jolaýshylar sany 493 myńǵa jýyq adamdy qurady, 2015 jylǵy 6 aidyń kórsetkishimen salystyrǵanda 6%-ǵa az. Tanymal baǵyttar Frankfýrt, Ystambul jáne Máskeý bolyp shyqty. Reisterdiń azaiýy ishki týrizmniń damýyna, halyqaralyq baǵyttarǵa biletter baǵasynyń qymbattaýyna bailanysty.
2016 jyldyń 6 aiynda qyzmet kórsetilgen reisterdiń sany – 11 955 reis, 2015 jylǵy sol kezeńmen salystyrǵanda 4% – ǵa artyq (11 460 reis).
2016 jylǵy qańtar-maýsym boiynsha óńdelgen júkter men poshta sany 4 012 tonnany qurady, bul 2015 jylmen salystyrǵanda 11 %-ǵa joǵary.
Óndiristik qyzmet kórsetkishi artýynyń negizgi faktory qoldanystaǵy reisterdiń jiiligin kóbeitýden jáne jańa baǵyttar ashýdan bolyp otyr.
Jyldyń basynan-aq elordalyq áýejaida jańa baǵyttar ashyldy. Aǵymdaǵy jylǵy mamyrda Air France KLM aviakompaniiasy aptasyna 4 ret jiiligimen Astanadan Amsterdam qalasyna jańa baǵyt ashty.
Charterlik týristik baǵdarlama da saiahattaý jankúierlerin qýantty. maýsymnyń birinen bastap BH Air Býrgas q. jyl saiynǵy charterlik baǵdarlamasyn qaita bastady. Alǵashqy ret Astana áýejaiynan Skybus aviakompaniiasy Sochi, Batými q. jańa baǵyttar ashty. Budan basqa atalǵan kompaniia Batými, Groznyi qalalaryna charterlik tasymaldardy oryndaidy. Jazǵy kezeńge Ellin Air aviakompaniiasy áýesqoi saiahatshylarǵa Saloniki qalasyna charterlik týristik baǵdarlamasyn qaita bastady. Sonymen qatar, turaqty seriktesterimiz Eir Astana, Túrik aviajoldary, Atlas Global jazǵy maýsymǵa Antalia qalasyna charterlik reisterdi qaita bastady.
Aǵymdaǵy jyldyń ekinshi toqsanynda Astana áýejaiyndaǵy júrýdi jolaýshylar úshin jaily jáne jaǵymdy jasaityn qoldanystaǵy jolaýshylar terminalynda kommertsiialyq qyzmetti júzege asyrý quqyǵyna jalǵa alýshylardy irikteý boiynsha konkýrs ótkizildi. Kommertsiialyq qyzmetti júzege asyrý úshin qyzmet jetkizýshilerin irikteý qoǵamdyq tamaqtanýda jolaýshylarǵa usynylatyn usynystardy tujyrymdamalyq keńeitýge jáne qyzmet kórsetý deńgeiin sáikesinshe ulǵaitýǵa baǵyttalǵan.
Astana áýejaiy Ekspo-2017 kórmesiniń qonaqtaryn qarsy alýǵa belseńdi daiyndalyp jatyr. Osyǵan bailanysty jolaýshylar terminalynyń rekonstrýktsiiasy jobasy kezeńmen iske asyrylýda. Qazirgi ýaqytta terminal ǵimaratynyń monolitti temir beton qańqasyn kóterý boiynsha jumystar aiaqtaldy, shatyrdyń, tehnikalyq qabattyń, kelbetiniń metall qurylmasynyń montajy júrip jatyr, edendi, aralyqtardy, ishki injenerlik kommýnikatsiialaryn jasaý qurylys-montaj jumystary júrgizilip jatyr, árleý jumystary bastaldy.
Jańa jolaýshylar terminalyn engizýmen birge birneshe qyzmetter avtomatizatsiialanady. Mysal retinde, jańa terminalda bagajdy avtomattandyrylǵan óndeý júiesi engiziledi, ol bagajdy óndeý protsesin tezdetip jeńildetedi jáne bagajdy jetkizýdi kútý ýaqytyn azaitady.
Tekserý rásimin jeńildetetin, tekserý ýaqytyn azaitatyn, sanaýly sekýndtarda tasymaldaýǵa tyiym salynǵan zattardy taba alatyn eń jańa tekserý jabdyǵy ornatylady.
Jańa jolaýshylar terminalynda jolaýshylar úshin aviakompaniialardyń ózindik tirkeý oryndary qarastyrylǵan. Budan basqa kútý zalynda týristik oryndaryn ornalastyrý josparlanǵan.
Jańa terminalda usynylatyn ónimniń túr-túrin ulǵaitýǵa jol beretin bajsyz saýda dúkenderine arnalǵan keń alańdar qarastyrylatyn bolady.
