«ASTANA» ÁKK» AQ shaǵyn jáne orta biznesti damytý departamentiniń direktory Dmitrii Avakiants ÓKQ brifinginde biyl elordada qandai jobalar júzege asyrylyp jatqanyn aitty, – dep habarlaidy Dalanews.kz Astana qalasy ákiminiń baspasóz qyzmetine silteme jasap.
Onyń aitýynsha, ÁKK biyl investitsiialardyń jalpy somasy 1 trln teńge bolatyn 200-ge jýyq jobany iske asyrýda. Jobalarǵa turǵyn úi, sporttyq, bilim berý, meditsinalyq nysandar, sondai-aq óndiristik, saýda, ákimshilik ǵimarattar salý kiredi.
– ÁKK shaǵyn jáne orta biznesti damytýǵa naqty kómek retinde joba qunynyń 70% mólsherinde ónerkásipti damytý qoryn qosa qarjylandyrýdy tartyp, shaǵyn ónerkásiptik aimaqtardy salý jónindegi joba iske asyrýda. Birlesip qarjylandyrýdyń jalpy somasy 3,5 mlrd teńgeni qurady. Osy baǵdarlama boiynsha salynǵan jeńildikti jaldaý aqysy boiynsha óndiristik alańdar shaǵyn jáne orta biznes sýbektilerine beriledi, – dedi Dmitrii Avakiants.
Sondai-aq, ÁKK Astana qalasynyń apattyq jaǵdaidaǵy turǵyn úilerin jańǵyrtý baǵdarlamasyna qatyspaqshy. Osy baǵdarlama sheńberinde ÁKK buzylatyn turǵyn úilerdiń ornyna turǵyndarǵa qolda bar páterlerdi usynady.
– Buzylatyn úilerdiń ornynda jańa kóppáterli turǵyn úilerdiń qurylysy salynady dep boljanýda, al eger qoldanystaǵy qurylystyń tyǵyzdyǵy múmkindik bermese, onda saýda nemese biznes ortalyqtary salynady. Bul baǵdarlamany iske asyrý elordanyń kelbetin ózgertýge, eski qurylystardan arylýǵa, azamattardyń turǵyn úi jaǵdailaryn jaqsartýǵa, qalanyń eski aýdandaryn jandandyrýǵa kómektesedi, – dep atap ótti ol.
Sonymen qatar ÁKK jeke investorlarmen birlesip elordada elektromobilder úshin infraqurylymdy damytý boiynsha jobalardy iske asyrýda.
– 2024 jyl ishinde elordada 80-nen astam elektr zariadtaý stantsiiasyn ornalastyrýda 4 investordan usynys tústi. Elektrmen zariadtaý stantsiialaryn qyzmet kórsetý nysandarymen, sonyń ishinde qoǵamdyq tamaqtaný nysandarymen, vendingtik apparattarmen, kútý aimaqtarymen, sanitarlyq úi-jailarmen jáne basqa da ilespe servistermen qalanyń eń kóp baratyn jerlerine ornatý josparlanýda, – dep tolyqtyrdy Avakiants.
Barlyq jobalar zamanaýi jabdyqtardy, sonyń ishinde otandyq óndirýshiler shyǵarǵan, elektromobilderdi jyldam zariadtaýdy, mobildi qosymshalar arqyly tutynýshylarǵa bailanyssyz qyzmet kórsetýdi qamtamasyz etetin, halyq jii qoldanatyn tólem ádisterin qoldana otyryp ornalastyrýdy usynady.
