Búgin túnde Astanada Rio Olimpiadasynyń júldegerlerin saltanatty túrde kútip alý sharasy ótti.
Elordaǵa boks jáne áielder kúresiniń ulttyq qurama sportshylary keldi. Júldegerlerdi Astana qalasynyń ákimi Áset Isekeshev, sportshylardyń týǵan-týysqandary men jankúierler qarsy aldy.
Al elordalyq sportshylar Olimpiada chempiony Daniiar Eleýsinov pen kúmis júldegerler Vasilii Levit jáne Gúzel Maniýrovaǵa erekshe kóńil bólindi.
Astana ákimi sportshylarǵa jańa kóliktiń kiltin tabys etti.
Atap aitsaq, Olimpiada chempiony Daniiar Eleýsinovke Toyota Land Cruiser 300 syiǵa tartyldy, óz kezeginde Levit pen
Maniýrova dál osy aradan Toyota Land Cruiser Prado avtokóligin minip ketti.
Isekeshevtyń aitýynsha, syilyqtar munymen shektelip qalmaidy. Olimpiada júldegerlerine Elordadan páter beriledi.
"Sporttaǵy joǵary nátijelerińiz úshin Memleket basshysynyń tapsyrmasymen sizderge arnaiy syilyq daiyndap qoidyq.
Árbir júldegerge Astanadan páter beriledi. Sizder bizdiń batyrlarsyzdar, batyr jaiaý júrmeýi kerek. Sondyqtan senderge temir tulpardyń kiltin tabys ettik" dedi Isekeshev óz sózinde.
FOTO: Tengrinews.kz
Derekkóz: kaz.365info.kz
