بۇگىن تۇندە استانادا ريو وليمپياداسىنىڭ جۇلدەگەرلەرىن سالتاناتتى تۇردە كۇتىپ الۋ شاراسى ءوتتى.
ەلورداعا بوكس جانە ايەلدەر كۇرەسىنىڭ ۇلتتىق قۇراما سپورتشىلارى كەلدى. جۇلدەگەرلەردى استانا قالاسىنىڭ اكىمى اسەت يسەكەشيەۆ، سپورتشىلاردىڭ تۋعان-تۋىسقاندارى مەن جانكۇيەرلەر قارسى الدى.
ال ەلوردالىق سپورتشىلار وليمپيادا چەمپيونى دانيار ەلەۋسىنوۆ پەن كۇمىس جۇلدەگەرلەر ۆاسيليي ليەۆيت جانە گۇزەل مانيۋروۆاعا ەرەكشە كوڭىل ءبولىندى.
استانا اكىمى سپورتشىلارعا جاڭا كولىكتىڭ كىلتىن تابىس ەتتى.
اتاپ ايتساق، وليمپيادا چەمپيونى دانيار ەلەۋسىنوۆكە Toyota Land Cruiser 300 سىيعا تارتىلدى، ءوز كەزەگىندە ليەۆيت پەن
مانيۋروۆا ءدال وسى ارادان Toyota Land Cruiser Prado اۆتوكولىگىن ءمىنىپ كەتتى.
يسەكەشيەۆتىڭ ايتۋىنشا، سىيلىقتار مۇنىمەن شەكتەلىپ قالمايدى. وليمپيادا جۇلدەگەرلەرىنە ەلوردادان پاتەر بەرىلەدى.
"سپورتتاعى جوعارى ناتيجەلەرىڭىز ءۇشىن مەملەكەت باسشىسىنىڭ تاپسىرماسىمەن سىزدەرگە ارنايى سىيلىق دايىنداپ قويدىق.
ءاربىر جۇلدەگەرگە استانادان پاتەر بەرىلەدى. سىزدەر ءبىزدىڭ باتىرلارسىزدار، باتىر جاياۋ جۇرمەۋى كەرەك. سوندىقتان سەندەرگە تەمىر تۇلپاردىڭ كىلتىن تابىس ەتتىك" دەدى يسەكەشيەۆ ءوز سوزىندە.
فوتو: تengrinews.kz
دەرەككوز: kaz.365info.kz
