Bul týraly Astana ákimi Áset Isekeshev óziniń Feısbýktaǵy paraqshasynda jarıalady. Eske sala ketsek, keshe jeli qoldanýshysy óz paraqshasynda narazylyq jazbasyn jarıalaǵanyn jazǵan edik. Onda avtobýs júrgizýshisiniń terezeden aıaǵyn shyǵaryp, qoǵamdyq kólikti erejege baǵynbaı basqarǵany jazylǵan.
– Búgin «Astana qalalyq transporttyq baqylaý qyzmetine» jolaýshylar tasymaldaıtyn Z 062 DC memlekettik nómirli 4-shi marshrýttaǵy avtobýs júrgizýshisine baılanysty shaǵyp kelip tústi. Atalǵan derek boıynsha 24 shilde kúni avtobýs júrgizýshisi Jubanysh Jumabekov TBQ-ǵa istiń aq-qarasyn anyqtaý úshin shaqyryldy, – dep jazǵan ákim.
Al júrgizýshi óz túsiniktemesinde jolaýshylar tasymaly kezinde jol qozǵalysy erejesin buzǵanyn tolyǵymen moıyndapty.
«№2 Avtobýs parki» JSHS buıryǵymen 25 shildeden bastap júrgizýshi Jubanysh Jumabekov eńbek tártibin buzǵany úshin jaýapkershilikke tartylyp, QR Eńbek kodeksi 64 baby 3 tarmaǵy negizinde qatań túrdegi sógis jarıalanyp, 25 shilde – 1 tamyz aralyǵynda Astana qalalyq transport mamandarynyń bilimin jetildirý ortalyǵyna qosymsha oqý jumystaryna jiberildi. Ol oqý aıaqtalǵan soń tapsyrylǵan emtıhan nátıjesi men psıhologıalyq test qorytyndysy boıynsha onyń avtobýs parkindegi jumysyn jalǵastyrý máselesi sheshiledi», – dedi Isekeshev.
Derekkózi: Stan.kz
