Assambleia dialog alańyn keńeitip, jumysyn jandandyrýy kerek
Búginde Qazaqstan halqy Assambleiasy elimizdegi ultaralyq tatýlyqty saqtaýda mańyzdy rol atqaratyn qoǵamdyq institýtqa ainaldy desek artyq aitqandyq bolmas edi. Elbasy Nursultan Nazarbaevtyń bastamasymen qurylǵan bul uiym qazir qanatyn keńge jaiyp, elimizde birlik pen ultaralyq tataýlyqty saqtaýda jaýapty organǵa ainaldy.
Pavlodar oblysy kóp ulttar mekendeitin irgeli aimaq. Bul jerde negizinen qazaqtar men orystar shoǵyrlanǵan. Sol sebepti óńirde ultaralyq tataýlyqtyń saqtaý mańyzdy. Osyndai máselelerdiń bárin oblys amaǵyndaǵy etnomádeni birlestikter ózara sheship, tigisin jatqyzyp keledi. Sol sebepti óńirde Qazaqstan halqy Assambleiasynyń jumysy óziniń ózektiligin joǵaltqan emes.
Sessiia jumysynda sóz alǵan oblystyq Assambleia hatshylyǵynyń meńgerýshisi Ainur Raisova qazirgi tańda Pavlodar oblysynda 106 etnomádeni birlestik jumys isteitinin alǵa tartty. Onyń 23-i oblys aýmaǵynda jumys istese, 83-i qala men aýdan ortalyqtarda jumys isteýde.
Búginde oblys aýmaǵyndaǵy etnomádeni birlestikterdiń músheleri ózderiniń salt-dástúrin damytyp, elimizdegi dostyq pen bereke birlikti damytýǵa belsendi túrde aralasyp keledi.
Qazirgi tańda Assambleia oblys aýmaǵyndaǵy ultaralyq tatýlyqtyń damýyna barynsha yqpal etýde. Búginde oblystyq filialdyń quramyndaǵy Qoǵamdyq kelsim keńesi, «Aqsaqaldar alqasy» ardagerler keńesi jáne Mediatsiia ortalyǵynyń jumysy qoǵam úshin nátijeli bolyp turǵanyn atap aitýǵa bolady. Qazaqstan halqy Assambleiasynyń janynan qurylǵan bul uiymdary óskeleń urpaqty qazaqstandyq potrotizmge tárbielep keledi.
– Assambleia jumysyn jandandyrýda bizder birinshi kezekte qazaqstandyq potrotizmdi nyǵaitýǵa kúsh salyp kelemiz. Bul bizdiń uiymnyń basty temirqazǵy desek bolady. Budan basqa oblys aýmaǵynda azamattyq teńquqyqtyq printspteriniń saqtalýyna da basa kóńil bólip otyrmyz, – dedi Ainur Raisova.
Pandemiia kezinde Assambelianyń jumysyna biraz ózgerister engeni belgili. Búginde uiym qaiyrymdylyq is-sharalaryn uiymdastyrýǵa airyqsha kóńil bólýde. Osy rette Pavlodar oblysyndaǵy assambleia belsendileri «Qaiyrymdy ister marafonyna» júzege asyrýǵa belsene qatysyp, kómekke muqtaj jandarǵa barynsha qoldaý kórsetkenin aita ketýimiz kerek. Indet el azamattaryn burynnan da biriktire túskeni belgli. Palodarlyqtar da karantin kezinde kómekke muqtaj jandarǵa qamqorlyq kórsetip, qiyndyqty eńserýge óz úlesterin qosty.
Basqosýda S.Toraiǵyrov atyndaǵy Pavalodar memlekettik ýniversitetiniń qyzmetkeri Sáýle Mamytova oblysta ashtyq jyldary jáne saiasi qýǵyn-súrginge ushyraǵan tulǵalardy aqtaý jumystary qalai júrip jatqanyna toqtaldy. Qazirgi tańda saiasi-qýǵyn súrgin kezinde jalǵan jalanyń qurbany bolǵan 13 myńnan astam bar.
Qasietti Kereký jeri qazaqtyń nebir jaisańdar ómirge ákelgen kieli meken desek bolady. Qylyshynan qan tamǵan keńes zamanynda el múddesin kózdegen talai azamattar naqaqtan-naqaq qýǵyn-súrginniń qurbany bolyp ketkeni jasyryn emes.
Búginde solardy aqtap, olardyń el múddesi jolynda istegen jumystaryn jańǵyrtý Assambleia belsendileriniń basty jumystarynyń birine ainaldy. Óitkeni Qazaqstan halqy Assambleiasyna múshe kez kelgen azamattyń atalary, etjaqyn týystary repressiia qurbany bolǵan. Bul náýbet elimizdiń basyna qandai qiyndyqtar ákelgenin jaqsy biledi. Sondyqtan olar saiasi qýǵyn-súrgin qurbandaryn aqtaý isine bir kisidei atsalysyp, tarih qoinaýynan aqtańdaqtarymyzdy arshýǵa qulshyna kirisip otyr.
Jiyn sońynda sóz alǵan oblys ákimi Ábilqaiyr Sqaqov qoǵamdyq kelisim men ultaralyq tatýlyqty saqtaý isinde assambleia belsendileri aldyǵy lekte bolýy kerek ekenin tapsyrdy. Ákimniń oiynsha, bul – úshin óńirde dialog alańdarynyń keńeitip, jastardy tartý kerek.
