Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Asqar Mamin kelip, «Eko saǵat!» aktsiiasyn bastap berdi

Dalanews
Asqar Mamin kelip, «Eko saǵat!» aktsiiasyn bastap berdi
QR Premer-Ministri Asqar Mamin Tuńǵysh Prezident – Elbasy Nursultan Nazarbaevtyń jáne Memleket basshysy Qasym-Jomart Toqaevtyń Túrkistan oblysyn damytý jónindegi tapsyrmalaryn oryndaý boiynsha óńirge jumys saparymen bardy.

Úkimet basshysy Túrkistan qalasyn jańǵyrtýdyń 1-kezeńi aiasyndaǵy jumystar barysyn tekserdi, onyń ishinde ákimshilik, áleýmettik jáne tarihi-mádeni mańyzy bar nysandar: ákimdik, basqarmalar jáne departamentter ǵimarattarynyń, media ortalyqtyń, «Nur-Sultan» alańynyń, Olimpiada revervi sport mektebiniń, Halyqqa qyzmet kórsetý ortalyǵynyń, mýzyka mektebiniń, attraktsiondary bar qala saiabaǵynyń, neke qiiý saraiynyń, vizit-ortalyqtyń, Shyǵys monshasynyń, amfiteatr men qalalyq Arbattyń qurylysyn tekserdi.

Túrkistan – keleshek jasyl jelekti qalaǵa ainalmaq. Shahar kórkine kórik qosý úshin kóptegen tyndyrymdy jumystar qolǵa alynýda. Túrkistan oblysyna jumys saparmen kelgen elimizdiń Premer-ministri Asqar Mamin men aimaq basshysy Ómirzaq Shókeev «Nurtas Ońdasynov» alleiasynda aǵash otyrǵyzyp, elimizdiń barlyq óńirlerinde bolatyn ekologiialyq saǵat  – jańa respýblikalyq aktsiiany bastap berdi.

Túrkistanda aptap ystyqtan saia bolatyn jasyl beldeý jumysy barysynda aýdan men qala jurty asarlatyp, 220 myń túp aǵash egýdi josparlap otyr.


Qazaqta «Júz jyldyǵyn oilaǵan halyq aǵash egedi» degen támsil sóz bar. «Eko saǵat!» respýblikalyq aktsiiasy aiasynda munda 20 túp kashtan, 30 lip aǵashy men 50 túp arsha boi kótermek.

– Maqsatymyz – ózimiz ómir súrip jatqan kóne shahar Túrkistandy kógaldandyryp, kórkeitý. Ońtústik óńiri aǵash ósirýge óte qolaily aimaq. Ainalamyzdy jasyl jelekke bólep, qorshaǵan ortamyzdyń kógaldandyrýǵa bárimiz atsalysýymyz kerek. Osyndai júieli jumystyń nátijesinde deni saý urpaq, baiandy bolashaq qalyptasady, – dedi Ómirzaq Estaiuly atalǵan sharanyń mańyzdylyǵyn alǵa tarta.

Túrkistan qalasy ainalasynan jasyl beldeý qurý maqsatynda búginde 488 gektar jerge 203 496 túp aǵash kóshetteri (qaraǵash, badam, órik, terek, jide) egilgen.


Sonymen qatar, búginde 2-kezeń boiynsha Arys-Túrkistan kanaly boiyndaǵy jerlerdi jappai jyrtý jáne aǵash kóshetterin egý jumystary júrgizilýde. Aldaǵy ýaqytta jasyl beldeýge egiletin kóshetterdi óndirý maqsatynda 300 gektar jerge tuqymbaq ashyp, onyń 30 gektar aýmaǵyna aǵash tuqymdaryn sebý jáne 1212 gektar jerdi jyrtyp, 100 gektaryna aǵash kóshetterin egý jumystary atqarylmaq. Jalpy, respýblikalyq mańyzy bar shara sheńberinde, elimizde 1 million aǵash egiledi.

Madina Sádýaqasova

Oqi otyryńyz