Asqar Mamin bastaǵan delegatsiia Túrkistan oblysyna keldi
Astanadan kelgen meimandarmen birge aimaq basshysy Janseiit Túimebaev shekara boiyndaǵy «Jibek joly» baqylap ótkizý beketiniń jumysymen tanysty.
Sodan keiin qazaqstandyq delegatsiia Ózbekstan Respýblikasy Premer-Ministriniń birinshi orynbasary Achilbai Ramatov bastaǵan delegatsiiamen kezdesti.
Taraptar júkterdi óńdeý ýaqyty men azamattardyń shekaradan ótý protsesin ońtailandyrý jáne eki el arasyndaǵy ózara tiimdi saýda – ekonomikalyq taýar ainalymyn arttyrý múmkindigin qarastyrý jaiyn talqylady.
Aita ketý qajet, Qazaqstan men Ózbekstan arasyndaǵy taýar ainalymy 2017 jyly 2 mlrd. AQSh dollaryn qurasa, bul 2016 jylmen salystyrǵanda 31,2% -ǵa ósti. Qazaqstannyń Ózbekstanǵa eksporttaǵan taýary 2017 jyly 1,3 mlrd. AQSh dollaryn qurap, 35%-ǵa ulǵaidy. Al Ózbekstannan Qazaqstanǵa importtalǵan taýarlar kólemi 735,2 mln. AQSh dollaryn qurap, 25,1%-ǵa artty.
Máselen, 2017 jyldyń 5 aiynda «Jibek joly» baqylap ótkizý beketinnen 2,4 millionnan astam jeke tulǵa arly - beri shekara assa, biylǵy jyldyń sáikes kezeńinde kórsetkish 4,2 millionǵa jýyqtaǵan. Ótken jyly 9277 jeńil avtokólik ótken bolsa, aǵymdaǵy jyly 34915-ke jetken. Odan bólek, jyl basynan beri jolaýshylar tasymalymen ainalysatyn marshrýt iske qosylyp, nátijesinde 1283 avtobýs Qazaqstan aýmaǵyna kirip shyqqan.
